قىتاي مەن رەسەي ناتو-عا قارسى اليانس قۇرادى
قىتاي باسشىسى، politonline.ru اقپارىنا قاراعاندا، «پارتياعا، حالىققا جانە الەمگە» الداعى ۋاقىتتا «رەسەي مەن قىتايدىڭ وداعى الەم قۇرىلىمىنىڭ بولاشاعىن انىقتاپ بەرەتىنىن» جەتكىزگەن.
«الەم قازىر راديكالدى وزگەرىستەردىڭ شەگىندە تۇر. ءبىز ەۋرووداقتىڭ بىرتىندەپ قۇردىمعا قۇلاپ، ا ق ش ەكونوميكاسىنىڭ قالاي كۇيرەپ بارا جاتقانىن، مۇنىڭ ءبارى الەمنىڭ جاڭا قۇرىلىمىن جاساۋمەن اياقتالاتىنىن كورىپ وتىرمىز. ەندى ءدال مۇنداي جاعداي ەشقاشان تۋمايدى، ال 10 جىلدان كەيىن ءبىزدى جەتەكشى تۇتقاسى ق ح ر مەن رەسەي وداعى بولاتىن جاڭا الەمدىك قۇرىلىم كۇتىپ تۇر»، - دەدى سەنىممەن قىتاي ليدەرى.
الايدا، ايتىلعان سوزگە قاراعاندا، بۇل جەردەگى اڭگىمە تەك ەكونوميكالىق وداق تۋراسىندا عانا بولىپ وتىرعان جوق. الەم ساراپشىلارىنىڭ، ديپلوماتتارى مەن ساياساتكەرلەرىنىڭ مالىمەتتەرى بويىنشا، قىتاي مەن رەسەيدىڭ اراسى «ەشقاشان ءدال قازىرگىدەي كەرەمەت بولعان ەمەس». بۇقارالىق اقپارات قۇرالدارىنىڭ مالىمەتىنشە، شي جينپيڭ بۇل جەردە ناتو- نى قاۋقارسىز ەتىپ تاستايتىن اسا قۋاتتى اسكەري اليانس تۋراسىندا ءسوز قوزعاپ وتىر. بۇل تەكتەن-تەك تە ەمەس، قازىر رەسەي مەن قىتايدىڭ ارميالارى الەمدەگى تيىسىنشە ەكىنشى جانە ءۇشىنشى قۋاتتى قارۋلى كۇشتەر سانالادى. بۇعان قوسا، بۇل ەلدەردىڭ ەكەۋى دە يادرولىق مەملەكەتتەر بولىپ تابىلادى.
«ءبىز قازىر ا ق ش تاراپىنان رەسەيگە قاتىستى دا، قىتايعا قاتىستى دا اگرەسسيالىق ارەكەتتەردى باقىلاپ وتىرمىز. مەن قازىر رەسەي مەن قىتاي ناتو- نىڭ ءوزى الدىندا قاۋقارسىز بولىپ قالاتىن اسا قۋاتتى اليانس قۇرا الادى، بۇل باتىستىڭ يمپەرياليستىك ۇمتىلىستارىنا توقتاۋ سالادى دەپ ويلايمىن»، - دەدى شي ءوزىنىڭ سوزىندە.
بۇعان قوسا، قىتاي ليدەرى ءوز ەلى ارمياسىن كەڭ اۋقىمدى مودەرنيزاتسيا جاساۋعا شاقىردى.
«ءبىزدىڭ ەلىمىزدىڭ حالىقارالىق مارتەبەسىنە ساي ارميا قۇرۋ - ستراتەگيالىق مىندەت. ءبىز ەكونوميكالىق دامۋدى ەلدىڭ قورعانىس قابىلەتىن ارتتىرۋمەن، ارميانى جاڭعىرتۋمەن بايلانىستىرۋىمىز كەرەك»، - دەدى ول.
ەسكە سالا كەتەيىك، 2014-جىلدىڭ ىشىندە-اق «شينحۋا» اگەنتتىگى ۋكرايناداعى مەملەكەتتىك توڭكەرىس ءۇشىن باتىس پەن ا ق ش- تى ايىپتاعان مالىمدەمە جاريالاعان بولاتىن. وسىدان كەيىن بەيجىڭ ب ۇ ۇ- دا رەسەيگە قارسى قارارعا داۋىس بەرۋدەن باس تارتتى، سونداي-اق الدا ا ق ش- پەن ارادا ءسوزسىز سوعىس بولاتىنىن حابارلادى.
بۇعان قوسا، قىتاي ب ا ق- تارى «ورىستار قيىن بولعان سايىن كۇشەيە تۇسەدى» دەگەندى سان مارتە قايتالاپ جازدى. سونىمەن قاتار قىتاي رەسەيگە ەكونوميكالىق سالادان باستاپ اسكەري كۇش-قۋاتقا دەيىنگى كومەكتىڭ بارلىق ءتۇرىن كورسەتەتۋگە دايىن ەكەنىن ايتا باستادى. مۇنى ق ح ر سىرتقى ىستەر ءمينيسترى ۆان ي گونكونگتىڭ «فەنحۋان» تەلەارناسىنىڭ ەفيرىندە سويلەگەن سوزىندە اتاپ ءوتتى.
تالعات رايىمبەك
«ەگەمەن»
