نازاربايەۆ: جاستار وتانىن ءسۇيۋ ءۇشىن وتان سوعان لايىق بولۋ كەرەك
«مەن جاستاردى ماقتان تۇتامىن، ولار وتانشىلدىق رۋحتا تاربيەلەنىپ كەلەدى. شەتەلگە بارعانىمدا قازاقستاندىق ستۋدەنتتەرمەن كەزدەسىپ تۇرامىن، ولار جاتاقحاناسىنا قازاقستاننىڭ تۋىن ءىلىپ قويادى، تۋعان ەلدى ساعىنادى، بىزدەگى جاعدايدى قاداعالاپ وتىرادى. ولار، ءتىپتى، وسىندا تۇراتىن ادامدارعا قاراعاندا اناعۇرلىم وتانشىل. بۇل عاجاپ ەمەس پە، ال ولار وتانىن ءسۇيۋ ءۇشىن وتان سوعان لايىق بولۋ كەرەك»، - دەدى نۇرسۇلتان نازاربايەۆ.
سونىمەن قاتار ەلباسى ەلىمىزدە جاھاندى جايلاعان داعدارىسقا جاۋاپ رەتىندە رەفورمالار جۇرگىزىلىپ، ۇكىمەت ءتيىستى شارالار قابىلداپ جاتقانىن اتاپ ءوتتى. مەملەكەت باسشىسى قازاقستاندىقتار بۇل كۇردەلى كەزەڭدى بىرگە ەڭسەرەتىنىنە سەنىم ءبىلدىردى.
«مەن ءبىزدىڭ حالقىمىزدىڭ تۇڭعىش پرەزيدەنتى اتانا وتىرىپ، تۇرالاعان ەكونوميكانى قايتا كوتەردىم، 20 جىلدىڭ ىشىندە ادامداردىڭ ءومىرى 19 ەسە جاقسارىپ، قازاقستان الەمگە تانىلدى. ەلىمىزدىڭ تۋى بىرىككەن ۇلتتار ۇيىمىندا ءىلۋى تۇر. ونى ماقتان تۇتۋعا بولادى. بۇل وتپەلى كەزەڭ ەمەس، بولاشاق ۇرپاقتىڭ ەسىندە ماڭگى قالادى»، - دەپ تۇيىندەدى نۇرسۇلتان نازاربايەۆ.
