10:57, 03 - شىلدە 2016 | GMT +5
ءبىز قازاقستاننىڭ وزىنە جۇكتەلگەن ميسسيانى لايىقتى اتقاراتىنىنا نىق سەنىمدىمىز - تاجىكتىڭ «اۆيتسەننا» ەتنومادەني بىرلەستىگى
استانا. قازاقپارات - تاجىكتىڭ «اۆيتسەننا» ەتنومادەني بىرلەستىگى بارلىق قازاقستاندىقتاردى سەنىمدى جەڭىسىمەن - ەلىمىزدىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن قۇتتىقتادى.
«ەلىمىزدىڭ ب ۇ ۇ- نىڭ نەگىزگى ساياسي قۇرىلىمىنا مۇشەلىگى پرەزيدەنت - ەلباسى ن. ءا. نازاربايەۆتىڭ بەيبىتشىلىك جانە كەلىسىم ساياساتىن بۇكىل الەمدىك مويىنداۋ بولىپ تابىلادى.
ەلىمىز ءۇشىن تاريحي وسى وقيعانىڭ قازاقستان تاۋەلسىزدىگىنىڭ 25 جىلدىق مەرەيتويلى بەلەسىمەن تۇسپا-تۇس كەلۋىندە نىشاندىق ءمان بار.
ب ۇ ۇ قاۋىپسىزدىك كەڭەسىنىڭ جۇمىسىنا قاتىسۋ قازاقستاندى جاھاندىق دامۋ ماسەلەلەرىن اسا جوعارى دەڭگەيدە تالقىلاۋ مەن شەشۋگە جەتەلەيتىنى ءسوزسىز.
ءبىز قازاقستاننىڭ وزىنە جۇكتەلگەن ميسسيانى لايىقتى اتقاراتىنىنا نىق سەنىمدىمىز»، - دەلىنگەن قۇتتىقتاۋدا.
