فۋتبول مەرەكەسى - ەلوردادا

استانا. قازاقپارات - ەلوردا كۇنىن مەرەكەلەۋ اياسىندا ق. مۇڭايتپاسوۆ اتىنداعى ستاديوندا فۋتبول فەستيۆالى اشىلدى، دەپ حابارلادى قالا اكىمىنىڭ رەسمي سايتى.

العاشقى جارىس كۇنى مەكتەپ ليگاسىنىڭ اقتىق جارىستارى ءوتتى. 2003-2004 ج. ت. بالالار اراسىندا 3№ مەكتەپ- گيمنازياسىنىڭ وقۋشىلارى، ال 2005-2006 ج. ت. اراسىندا 60№ مەكتەپ-ليتسەيىنىڭ كومانداسى جەڭىسكە جەتتى.

سونىمەن قاتار، قىزدار اراسىندا 4№ مەكتەپ-گيمنازياسى توپ جاردى. بۇگىن مەرەكە جالعاسىن تابادى. الاڭدا مەملەكەتتىك قۇرىلىمداردىڭ قىزمەتكەرلەرى شەبەرلىك بايقاسادى.

شاعىن فۋتبولدان وتەتىن تۋرنيرگە مينيسترلىكتەر مەن ەلوردالىق باسقارمالاردان مەملەكەتتىك قىزمەتشىلەردىڭ 23 كومانداسى قاتىسادى. ويىنشىلار التى توپقا ءبولىندى، جارىس ەكى كەزەڭمەن وتەدى - توپتىق جانە فينالدىق.