09:17, 03 - شىلدە 2016 | GMT +5
قارۋلانعان ەر ادام ءدامحانا كەلۋشىلەرىنە وق اتتى، قازا تاپقاندار بار
استانا. قازاقپارات - سەربيالىق زرەنيانين قالاسىندا بەلگىسىز بىرەۋ جەرگىلىكتى ءدامحاناعا كەلگەن ادامدارعا وق اتتى. سالدارىنان 5 ادام اجال قۇشتى، تاعى 20 ادام جاراقاتتاندى.
قولىنا اۆتومات ۇستاعان ەر ادام عيماراتقا كىرىپ، ادامدارعا وق اتا باستادى. پوليتسيانىڭ جەدەل ارەكەت ەتۋى ناتيجەسىندە شابۋىل جاساعان ادام ۇستالدى. ول الدىمەن ءوزىنىڭ ايەلىن جانە تاعى ءبىر نازىك جاندىعا وق اتقانى بەلگىلى. كەيىن وزگەلەرگە دە وق جاۋدىرعان. ونى بۇل ارەكەتىنە نە تۇرتكى بولعانى بەلگىسىز، دەپ حابارلادى «روسسيا 24» تەلەارناسى.
