عالىمدار: اتا-انانىڭ بالاعا شامادان تىس اقشا بەرۋى وزىمشىلدىككە الىپ كەلەدى
بۇل تاڭ قالارلىق جايت ەمەس، ۇلكەندەردىڭ ساناسىن ۋلاۋ كۇشى جەتكەن اقشانىڭ بالا ساناسىنا جاعىمسىز اسەرى ءتىپتى كوبەيۋدە.
«اتا-انانىڭ بالاسىنا شامادان تىس اقشا بەرۋى - پسيحيكالىق پروبلەمالاردىڭ نەگىزى بولعان ەگويزم مەن نارتسيسسيزمگە اكەپ سوعادى. اتا-انالار وتكەن ومىرىندەگى ، بالالىق شاعىنداعى كورگەن قيىندىقتارى قايتالانباسىن دەپ بالاسىنا اقشانى ءۇيىپ-توگۋ ارقىلى ءوز بالالارىنىڭ بولاشاعىنا بالتا شابۋدا»، - دەيدى كاليفورنيا ينستيتۋتىندا كولەمدى زەرتتەۋ جۇرگىزگەن پسيحولوگ ماماندار.
وسىنداي شەشىمگە كەلگەن بۇل ەكسپەريمەنتالدى زەرتتەۋدى عالىمدار 20 جىل بويى جۇرگىزگەن. پسيحولوگتار ءتۇرلى الەۋمەتتىك دەڭگەيدەگى كوپتەگەن امەريكالىق وتباسىن باقىلاپ، اقشانى ەرتە تانىعان بالالاردىڭ ەشقانداي جاقسىلىققا جەتپەگەنىن جازدى. كەم دەگەندە بەس جاستان كەيىن بالانىڭ قولىنا اقشا ۇستاتۋ كەرەك دەيدى عالىمدار.
