استانا بايتەرەك ايەلدەر كلۋبى: ب ۇ ۇ ق ك مۇشەلىگىنە قابىلدانۋ - الەمدىك قوعامداستىقتىڭ ەلىمىزدىڭ قاۋىپسىزدىكتى ساقتاۋعا قوسقان ۇلەسىن جوعارى باعالاۋى
«تەررورلىق جانە راديكالدىق قۇبىلىستار بارلىق ەلدەر، بۇكىل حالىقارالىق قوعامداستىق ءۇشىن جاھاندىق قاتەر توندىرەدى.
مەملەكەت باسشىسىنىڭ باستامالارى قاشاندا وسى قاتەرلەردى تەك ورتالىق ازيا وڭىرىندە عانا ەمەس، سونداي- اق، الەمدىك اۋقىمدا جويۋعا باعىتتالىپ كەلەدى.
پرەزيدەنتتىڭ اسا ماڭىزدى تاريحي باستامالارىنىڭ ءبىرى الەمدىك قوعامداستىقتى جاھاندىق ءۇنقاتىسۋ مەن ىنتىماقتاستىقتى دامىتۋعا، ميليتاريستىك ساياساتتان باس تارتۋعا جانە حالىقارالىق ۇيىمداردىڭ بىتىمگەرشىلىك ءرولىن كۇشەيتۋگە شاقىراتىن «الەم. 21 -عاسىر» مانيفەسى دەسەك، قاتەلەسپەيتىنىمىز انىق.
قازاقستاننىڭ ب ۇ ۇ قاۋىپسىزدىك كەڭەسىنىڭ مۇشەلىگىنە قابىلدانۋى الەمدىك قوعامداستىقتىڭ ەلىمىزدىڭ قاۋىپسىزدىكتى ساقتاۋ مەن بەيبىت باستامالار جاساۋ ىسىنە قوسقان ۇلەسىن جوعارى باعالاۋى بولىپ تابىلادى»، - دەپ جازىلعان قۇتتىقتاۋدا.
