سەناتورلار ەلباسىنىڭ كىتاپحاناسىندا بولدى - فوتو
وندا 1- شىلدەدەن باستاپ «اشىق ەسىك كۇندەرى» مەرەكەلىك ونكۇندىگى اشىلعان بولاتىن.
سەناتورلار استانا كۇنىنە ارنالعان قويىلىمدارمەن تانىستى. ولاردىڭ ىشىندە ن. نازاربايەۆتىڭ قىزمەتى، جاس ەلوردانى سالۋ تاريحى تۋرالى مۇراعات قۇجاتتارى قويىلعان «كوشباسشى الەمى: تۇلعا. ساياساتكەر. جاسامپاز» فوتوسۋرەت دەرەكتەرى دە بار. كورمە اۆتورلارى ەلباسىنىڭ الەمدىك دەڭگەيدەگى ساياساتكەر، باستاماشىل تۇلعا، ەلىمىزدىڭ قوعامدىق- ساياسي جانە الەۋمەتتىك- ەكونوميكالىق ومىرىندەگى الىستى كوزدەيتىن جانە كوپتەگەن جاسامپازدىق وزگەرىستەرگە قاتىسۋشى ءارى مەملەكەت باسشىسى رەتىندە بەينەلەيتىن تاريحي ءتۇپنۇسقا قۇجاتتارعا باسا نازار اۋدارعان.
قويىلىمداردا قازاقستان رەسپۋبليكاسىنىڭ ىشكى جانە سىرتقى ساياساتىنىڭ نەگىزگى قالىپتاسۋ كەزەڭدەرى مەن الەمدىك دەڭگەيدەگى كورنەكتى ساياساتكەر رەتىندەگى مەملەكەت باسشىسىنىڭ ءرولى كورىنىس تاپقان.
پارلامەنت سەناتى الەۋمەتتىك- مادەني دامۋ جانە عىلىم كوميتەتىنىڭ ءتوراعاسى اقان بيجانوۆ جۋرناليستەرگە بەرگەن سۇحباتىندا تاۋەلسىز قازاقستاننىڭ 25 جىلدىق تاريحىن بەينەلەيتىن ءاربىر جادىگەردىڭ ەرەكشەلىگىنە توقتالىپ، كورمەنىڭ ماڭىزدىلىعىن اتاپ ءوتتى. سەناتور بۇل شارالاردىڭ جاس ۇرپاقتى وتانسۇيگىشتىككە تاربيەلەۋگە جانە ادامگەرشىلىك قۇندىلىقتاردى قادىرلەۋگە باعىتتالعان دەپ سانايدى.
اۆتور: سەرىك قاراجان
