قازاقستاندىق مودەل ايا شالقار وزەكتى تاقىرىپتى قوزعايتىن كيىمدەر توپتاماسىن تانىستىردى
جاڭا توپتامادا بوديلەر مەن توپتار بار. اۆتوردىڭ ايتۋىنشا، بۇل توپتامانى شىعارۋى ارقىلى ول قازاقستاندا ايەلدەردىڭ قۇقىق اياسى كەڭ بولۋى كەرەكتىگىن مەڭزەگەن.
«نەگە «جوق؟» نەگە «%100 پەرىشتە؟» نەگە «حانشايىم؟» «اش» سوڭعى شىققان توپتاماسىنىڭ قازاقستاندا قوعامدا كۇن سايىن قىسىم كورىپ جۇرگەن قىزدار مەن ايەلدەرگە ارنالعانىن جاريا ەتەمىز.
بۇل توپتاما قىسىممەن، شەتتەتۋمەن، ەكىجۇزدىلىكپەن، ميزوگينيامەن بەتپە-بەت كەلگەن بارلىق ادامعا ارنالادى. بۇل سوزدەردى تەكتەن تاڭداپ وتىرعان جوقپىز. سەبەبى قازاقستاندا ايەل «جوق» دەپ ايتۋعا قۇقىلى.
سەبەبى قازاقستاندا ايەلدىڭ سەكسۋالدى بولۋىنا قۇقىعى بار. سەبەبى قازاقستاندا ايەلدىڭ سۇيۋگە، ءوزىن باعالاۋعا، حانشايىم بولۋعا قۇقىعى بار. سەبەبى قازاقستاندا ايەلدىڭ وسەك-اياڭنان قورعاۋدا بولۋىنا قۇقىعى بار، ونى 100 پايىز پەرىشتە دەپ ەسەپتەمەسە دە سولاي»، - دەپ تانىستىردى ايا ءوز توپتاماسىن.
«اش» برەندى ءوزىنىڭ تۇڭعىش توپتاماسىن 2015 -جىلدىڭ تامىزىندا تانىستىرعان بولاتىن. برەند ءوزىنىڭ مينيماليزمىمەن ەرەكشەلەنەدى.
