باۋىرجان مومىش ۇلىنىڭ ءبىر قايرىمدارى

 استانا. قازاقپارات - باۋىرجان مومىش ۇلىنىڭ ءبىر قايرىمدارىن ۇسىنامىز.

ۋا، جالعان، سەن بە جالعان، مەن بە جالعان

جالعاندىق زاتىمىزدا قايدان قالعان؟

سەركەدەي تاياق جەگەن سەرتتەن قايتىپ،

وزىمە ءوزىم نانباي كوڭىلىم قالعان.

 

19.01.1947 ج.

 

عالىمنان نادان ارتپاس ۇققانمەنەن،

تاعدىر كورمەي قويمايدى بۇققانمەنەن.

بۇرىنعى قالپىمنان اسا الماسپىن،

كەيبىرەۋدەن ەرتە ورلەۋ شىققانمەنەن.

 

28.01.1941 ج.

 

«قادىرىن بىلمەپپىز عوي ءتىرى كەزدە»

دەپ جىلار سورلى قازاق مەن ولگەندە.

ۇرپاق ايتار سەكسەن مەن جۇزدىگىمدى،

تاريحتىڭ تۇپكىرىنە ءسوز كەلگەندە.

 

6.12.1947 ج.

 

سارناتقان قىل قوبىزدى قورقىت بابام،

جاھاننان ءبىر تياناق تابا الماعىن.

تۇكىرىپ ءجۇزى قارا سۇم ومىرگە،

تايسالماي سۋىق كورسە ءوزى - اق بارعان.

 

جوقشىلىق ەر جىگىتكە نامىس ەمەس.

جوق بولساڭ ءوز تۋعانىن تانىس ەمەس.

سۋىق ءۇي، ءدامسىز تاماق، سالاق قاتىن -

ۇشەۋى كەدەيلىكتەن الىس ەمەس.

 

بارلىعى ايەل زاتتىڭ ءۇيشى ەمەس،

سارناتقان دومبىرانى كۇيشى ەمەس.

تىربىڭداپ اياق - قولىن سىلتەگەنمەن

بارلىعى جورعالاردىڭ ءبيشى ەمەس.

 

الدىمەن ءان سالۋعا اقىل كەرەك،

ىرعاقتىڭ ماعىناسىنا بولار تىرەك.

وي بار ما، جۇرەك بار ما، لەبىز بار ما؟

كورەرمەن، تىڭدارمانعا سولار كەرەك.

 

1958 ج.

massaget.kz