يليا يلين شۇعىل تۇردە جەنيەۆاعا كەتىپ قالدى
بۇل تۋرالى «استانا» پرەزيدەنتتىك كلۋبىنىڭ اتقارۋشى ديرەكتورى امانبەك قۇلشىقوۆ باسپا ءسوز وتىرىسىندا مالىمدەدى.
بەيجىڭ جانە لوندون وليمپياداسىندا تاپسىرعان دوپينگ سىنامالارىن قايتا قاراۋ كەزىندە قازاقستاندىق اۋىر اتلەتتىڭ باسى داۋعا قالعان ەدى. اراعا ۇزاق ۋاقىت سالىپ بەلگىلى بولعان بۇل تەكسەرىستىڭ قورىتىندىسى قاتەلىك كەتكەن دەگەن حابارلاما ايتىلعان ەدى. ەندى يليننىڭ وليمپاداعا قاتىسۋى ناقتى بەلگىسىز.
«يليا يلين بۇگىنگى باسپا ءسوز وتىرىسىنا قاتىسۋى ءتيىس ەدى. الايدا ونى شۇعىل تۇردە جەنيەۆاعا شاقىرتىپ، كەشە ساپارعا شىعىپ كەتتى. ەندى ونىڭ وليمپيادا قاتىسۋ مۇمكىندىگى ءبىر-ەكى كۇندىكتە بەلگىلى بولادى. يليا ەلگە ورالعان سوڭ ءبىز ونىڭ قاتىسۋىمەن باسپا ءسوز كونفەرەنتسياسىن وتكىزىپ، ءمان-جايدى تولىق ايتاتىن بولامىز»، - دەدى اماندىق قۇلشىقوۆ.
ول ءوز سوزىندە يلياعا كلۋب تاراپىنان قاشاندا قولداۋ بولاتىندىعىن ايتا كەلە، ونىڭ وليمپياداعا قاتىسۋى اسا ماڭىزدى ەكەندىگىن جەتكىزدى.
وليمپيادا ويىندارىنىڭ ەكى دۇركىن جەڭىمپازى يليا يلين 105 كەلىگە دەيىنگى سالماق دارەجەسىندە وليمپيادا ويىندارىنىڭ جەڭىمپازى بولۋدان ءۇمىتتى 1№ سپورتشى. ول 2014-جىلى وتكەن الەم چەمپيوناتىندا رەكورد ورناتقان بولاتىن. اراعا ءبىر جىل سالىپ، گروزنىيدا ول ءوزىنىڭ رەكوردتىق كورسەتكىشىن قايتا جاڭارتقان بولاتىن.
