انانديدىڭ اۋىلىنان ۇيات بولدى
پوليتسياداعىلار مەن دۇكەندەگىلەر بۇل دەرەكتى راستادى.
Interfood دۇكەنىنىڭ باسقارۋشى ديرەكتورىنىڭ ايتۋىنشا، وقيعا بولعان دۇكەننىڭ اكىمشىلىگى بۇل دەرەك بويىنشا ۆيدەوجازبانى تەكسەرىپ، ءىستى قاراپ جاتىر. وقيعانىڭ ءمان- جايىن قالاداعى سپورت كلۋبى وكىلدەرىنىڭ ءبىرى ەلەنا چيچيبابينا ايتىپ بەردى. ول وسى وقيعانىڭ كۋاگەرى بولعان.
"سپورتشىلار ىڭعايسىز جاعدايعا تاپ بولدى. بىرەۋلەر ولاردىڭ دۇكەننىڭ ساقتاۋ كامەراسىنان سومكەسىن ۇرلاپ كەتتى. ونىڭ ىشىندە سىزدەر ويلاپ وتىرعانداي باعالى زات جوق، ءبىراق وندا الداعى دەمالىستا وتەتىن جارىسقا كيەتىن سپورت كيىمى بولعان. وكىنىشكە قاراي، دۇكەننىڭ قىزمەتكەرلەرى مەن كۇزەتتەگىلەر اعىلشىنشا تۇسىنبەيدى ەكەن. ولار بولسا بارىنشا تۇسىندىرمەكشى بولدى. سودان ول مەنى كورىپ قالىپ، اۋدارىپ بەرۋىمدى سۇرادى. كۇزەتشىلەرمەن ون مينۋتتان اسا سويلەسكەننەن سوڭ، ءبىز ساقتاۋ كامەراسىنداعى ۇياشىقتاردى كەز كەلگەن كىلتپەن اشۋعا بولاتىنىن تۇسىندىك"، - دەيدى ايەل.
ونىڭ ايتۋىنشا، ۆيدەوجازبادا ادامنىڭ جارتىلاي عانا باسى مەن ارقاسى كورىنىپ تۇر. "ۆيدەودان ءبىز ەر ادامدى ارەڭ كوردىك. ول شولاق شالبار مەن قارا جەيدە كيگەن. بىزگە سپورتشىلار سومكەنى ءبىر ءجاسوسپىرىمنىڭ الىپ كەتكەنىن ايتتى"، - دەدى ول.
ايتا كەتەيىك، ءۇندىستاننىڭ جەڭىل اتلەتيكا قۇراماسى مەن ەلەنا چيچيبابينا پوليتسەيلەرگە بۇل وقيعا جايلى حابارلادى. "حابارلاما ءتۇستى. وقيعا ورنىنا پاترۋلدىك پوليتسيا باردى، بۇل وقيعا "پرومەناد" ساۋدا ۇيىندە بولعان. الايدا وقيعا ورنىندا شاعىم تۇسىرۋشىلەر دە، ايەل دە بولماعان. ءبىراق بىرنەشە ۋاقىت وتكەن سوڭ ءۇندىستان قۇراماسىنىڭ باپكەرى قوڭىراۋ شالعان. ول ورىس ءتىلىن جاقسى مەڭگەرگەن ەكەن. سودان ول سپورتشىلاردىڭ "قازاقستان" قوناقۇيىندە ەكەنىن جانە وندا ارنايى توپتىڭ بارعانىن ايتتى. سپورتشىلاردىڭ باپكەرى شاعىم ءتۇسىردى، ول دەرەك سوتقا دەيىنگى ءبىرىڭعاي تىركەۋ رەەسترىنە تىركەلدى. سونىمەن قاتار، "بوتەن مۇلىكتى يەلەنىپ الۋ" بابى بويىنشا تەرگەۋ جۇمىستارى جۇرگىزىلىپ جاتىر. دۇكەننىڭ جانە ساۋدا ءۇيىنىڭ ۆيدەوباقىلاۋ كامەرالارى زەرتتەلىپ، كۇدىكتىنى ۇستاۋ ءۇشىن قاجەتتى شارالاردى قولدانامىز"، - دەدى الماتى قالاسىنىڭ ءى ءى د رەسمي وكىلى سالتانات ازىربەك.
