15:32, 30 - ماۋسىم 2016 | GMT +5
موڭعولياداعى پارلامەنتتىك سايلاۋدا وپپوزيتسيالىق پارتيا جەڭىسكە جەتتى
استانا. قازاقپارات - موڭعوليادا وتكەن پارلامەنت سايلاۋىندا ەلدەگى باستى وپپوزيتسيالىق پارتيا جەڭىسكە جەتتى، دەپ حابارلادى 24kz..
ولار پارلامەنتتەگى 76 مانداتتىڭ 63 ىن يەلەنگەن. ەندى موڭعوليانىڭ حالىق پارتياسى ۇكىمەت جاساقتاپ، جاڭا پرەمەر- مينيستر تاعايىنداۋى ءتيىس. ايتا كەتكەن ءجون، سوڭعى ۋاقىتتا موڭعوليا ەكونوميكاسى قيىن قىستاۋ كۇندەردى باستان وتكەرۋدە. تاۋ- كەن وندىرىسىندە قارقىندى دامۋ بايقالعانىمەن حالىقارالىق ۆاليۋتا قورى ەل ەكونوميكاسىنىڭ ءوسىمى تەجەلىپ قالعانىن كورسەتىپ وتىر. سوندىقتان حالىق جاڭا پارتيا جاعدايدى وزگەرتەدى دەپ سەنەدى. ساياسي ناۋقانعا جەرگىلىكتى تۇرعىنداردىڭ %70 ى قاتىسقان.
