استانادا ەجەلگى تۇركى حالىقتارى مۋزىكاسىن ورىنداۋشىلار باس قوسادى

 استانا. قازاقپارات - ەلوردانىڭ تۋعان كۇنىن مەرەكەلەۋگە وراي «استانا- ارقاۋ» تۇركى مۋزىكاسى فەستيۆالى وتەدى.

4-6 شىلدە ارالىعىندا وتەتىن بىرەگەي شارا بارىسىندا ەجەلگى تۇركى حالىقتارى مۋزىكاسىنىڭ ۇزدىك ورىنداۋشىلارى باس قوسادى. باقسىلىق ولەڭدەر، بىرەگەي ورىنداۋ شەبەرلىگى مەن جويىلىپ بارا جاتقان تۇركى تىلدەس حالىقتاردىڭ وكىلدەرىنىڭ ونەرى - وسىنىڭ بارلىعى بيىلعى فەستيۆال قوناقتارىنىڭ نازارىنا ۇسىنىلماق.

1 شىلدە كۇنى ساعات 12:00 «مىڭجىلدىقتار توعىسىنداعى استانا» ەتنواۋىلىنىڭ الاڭىندا «استانا- ارقاۋ» فەستيۆالىنىڭ اشىلۋىنا وراي باسپا ءسوز ءماسليحاتى وتەدى.

 بيىل اتالمىش شارانى وتكىزۋدىڭ ەرەكشەلىكتەرى تۋرالى فەستيۆال رەجيسسەرى باعدات تىلەگەنوۆ، پروديۋسەرى اسقار وماروۆ، «مىڭجىلدىقتار توعىسىنداعى استانا» فەستيۆالىنىڭ رەجيسسەرى ۆياچەسلاۆ گونچاروۆ جانە «Nomad» اتتى كاسكادەرلىك توپ جەتەكشىسى جايداربەك كۇنعوجينوۆ بايانداپ بەرەدى.