اسەت يسەكەشەۆ ەلوردانىڭ ماڭىزدى نىساندارىنىڭ جۇمىسىمەن تانىستى
اكىم استانانىڭ بارلىق اۋداندارىندا بولىپ، تىرشىلىكتى قامتاماسىز ەتۋدىڭ ماڭىزدى نىساندارىمەن تانىسىپ، كوشەلەردى تەكسەردى. ەلوردا ومىرىنە قاتىستى كەز كەلگەن ماسەلە قالا اكىمدىگىنىڭ وتىرىستارىندا ەگجەي-تەگجەيلى زەرتتەلىپ، قارالاتىن بولادى، دەپ حابارلايدى استانا قالاسى اكىمدىگىنىڭ باسپا ءسوز قىزمەتى.
قالا باسشىسى الدىمەن تالدىكولگە ات باسىن تىرەدى. «بۇل ماسەلە ۇنەمى باقىلاۋدا بولۋى شارت. مەملەكەت باسشىسى العا قويعان مىندەت مەرزىمىندە ورىندالۋى ءتيىس»، - دەدى ءا. يسەكەشەۆ.
استانا اكىمى كولدى تازارتۋ بويىنشا اتقارىلعان جۇمىستارمەن، سونىڭ ىشىندە سۋ تازارتۋ بويىنشا قوسىمشا قۇرىلىستاردى سالۋ جانە قالپىنا كەلتىرۋ جۇمىستارىمەن تانىستى. ايتا كەتەيىك، بىلتىر تالدىكولگە شىعارىندىلار جىبەرۋ توقتاتىلعان، جىل سوڭىنا دەيىن سۋ ءتۇبى تولىقتاي تازارتىلماق.
سونىمەن قاتار، اكىم قالا تىرشىلىگىن قامتاماسىز ەتۋدىڭ باستى نىساندارىنىڭ ءبىرى ج ە و-2 جانە ج ە و-3 تە بولىپ، ەلوردانىڭ الداعى جىلىتۋ ماۋسىمىنا دايىندىعىن تەكسەردى. 2016-2017- جىلدارى جىلىتۋ ماۋسىمى باستالعانشا ج ە و-2 دە قۋاتتىلىعى 220 گكال قۇرايتىن 5,6№ جانە قۋاتتىلىعى 180 گكال بولاتىن 7№ قازاندىق اگرەگاتتارىن ىسكە قوسۋ كوزدەلگەن، بۇل وسى جىلى جالپى جىلۋ قۋاتتىلىعىن 400 گ ك ا ل- عا دەيىن ارتتىرۋدى قامتاماسىز ەتەدى. ج ە و-3 ءتىڭ ءبىرىنشى كەزەگىنىڭ قۇرىلىس جۇمىستارى جالعاسۋدا.
استانا قالاسىنىڭ ەنەرگەتيكا باسقارماسىنىڭ باسشىسى باقتىبەك جاپايەۆتىڭ ايتۋىنشا، كاسىپورىننىڭ تابىسى تۇتاستاي ينۆەستيتسيالىق باعدارلامالارعا باعىتتالعان. ءىس جۇزىندە اتالعان نىساندار ءوزىن-ءوزى قامتاماسىز ەتىپ، بيۋدجەت قارجىسىن شىعىندامايدى. بۇعان قوسا، ج ە و-3 ءتىڭ ەكىنشى كەزەڭى م ج ءا شەڭبەرىندە جۇزەگە اسىرىلاتىن بولادى. ءا. يسەكەشەۆ ەنەرگيا كوزدەرىن قالپىنا كەلتىرۋ مەن سالۋ كەز كەلگەن قالا، اسىرەسە، استانا ءۇشىن ماڭىزدى ستراتەگيالىق مىندەت بولىپ تابىلاتىنىن اتاپ ءوتتى.
قازىرگى كەزدە ج ە و-2 جانە ج ە و-3 تە جۇرگىزىلىپ جاتقان جۇمىستار جىلۋ شىعارۋ تاپشىلىعىن وتەپ، استانانىڭ بارلىق اۋداندارىن ۇزدىكسىز جانە سەنىمدى جىلۋمەن جانە ەلەكتر ەنەرگياسىمەن قامتاماسىز ەتۋگە مۇمكىندىك بەرەدى.
