08:23, 30 - ماۋسىم 2016 | GMT +5
استانا كۇنىنە وراي الاڭدا اسپازدار سايىسى وتەدى
استانا. قازاقپارات - ەلوردا كۇنىن مەرەكەلەۋگە وراي جەتەكشى اسپازدار قالا اكىمدىگىنىڭ الدىنداعى الاڭدا كەزدەسەدى.
«اسپازدار شەبەرلىگى - سۇيىكتى قالاعا» فەستيۆالى شىلدەنىڭ 4 ءى مەن 6 سى ارالىعىندا وتەدى، دەپ حابارلايدى قالالىق اكىمدىكتىڭ باسپا ءسوز قىزمەتى.
اسپازدىق جەكپە-جەككە ەلوردالىق مەيرامحانالاردىڭ ۇزدىك كاسىپقوي اسپازشىلارى قاتىسادى. فەستيۆال قوناقتارى ۇلتتىق تاعامدار اسسورتيمەنتىمەن تانىسىپ، ودان ءدام تاتىپ، لايىقتى باعاسىن بەرەدى. مۇنىمەن قوسا، اتالمىش شارا اسپازشىلار ءۇشىن وزدەرىنىڭ ەرەكشە تۋىندىلارىن كورسەتۋدىڭ، ال قوعامدىق تاماقتانۋ كاسىپورىندارى ءۇشىن - سەرۆيس ساپاسى مەن دەڭگەيىن ارتتىرىپ، ءوز اتىن شىعارۋدىڭ بىردەن-ءبىر مۇمكىندىگى.
ادەتتەگىدەي، مەرەكەدە ەلوردانىڭ ۇزدىك بارمەنى جانە ۇزدىك داياشىسى، سونداي-اق، ەڭ ءدامدى فيرمالىق تاعام انىقتالادى.
