قىتايداعى ق ر ەلشىسى: قازاقستاننىڭ ب ۇ ۇ ق ك- ىنە تۇراقتى ەمەس مۇشە بولىپ سايلانۋى - ن. نازاربايەۆتىڭ حالىقارالىق قاۋىپسىزدىكتى قامتاماسىز ەتۋدەگى كۇش-جىگەرىن تانۋ
بۇل تۋرالى ق ح ر- داعى ق ر ەلشىسى حاحرات نۇرىشەۆ بۇگىن بەيجىڭدە وتكىزىلگەن «قازاقستان: بەيبىتشىلىك، قاۋىپسىزدىك جانە دامۋ جولىمەن 25 جىل» دوڭگەلەك ۇستەلىنىڭ بارىسىندا ءمالىم ەتتى.
قىتاي حالىق رەسپۋبليكاسىنداعى ق ر ەلشىلىگىندە وتكەن «قازاقستان: بەيبىتشىلىك، قاۋىپسىزدىك جانە دامۋ جولىمەن 25 -جىل» دوڭگەلەك ۇستەلىنىڭ قاتىسۋشىلارى پرەزيدەنت نازاربايەۆتىڭ «الەم. 21-عاسىر» ۇندەۋىن، ب ۇ ۇ باس اسسامبلەياسىنىڭ 70-سەسسياسىندا كوتەرىلگەن نازاربايەۆتىڭ ىشكى ساياسي باستامالارىن سونداي- اق الەمدىك بەيبىتشىلىك، قاۋىپسىزدىك جانە دامۋعا قازاقستاننىڭ قوسقان ۇلەسىن تالقىلادى.
شاراعا 50 دەن استام ادام - ق ح ر قاۋىپسىزدىك جانە تەرروريزممەن كۇرەس بويىنشا مەملەكەتتىك كوميسسارى چەن گوپين، شاڭحاي ىنتىماقتاستىق ۇيىمىنىڭ باس حاتشىسى (ش ى ۇ) راشيد اليموۆ، ق ك پ ورتالىق كوميتەتى حالىقارالىق ءبولىمى، ق ح ر سىرتقى ىستەر مينيسترلىگى، قحر مەملەكەتتىك كەڭەسى جانىنداعى ەۋروپا جانە ازيا دامۋ ينستيتۋتى زەرتتەۋ جانە دامۋ ورتالىعى، قىتاي زاماناۋي حالىقارالىق قاتىناستار اكادەمياسى، قىتاي حالىقارالىق ماسەلەلەر ينستيتۋتى، قىتاي الەۋمەتتىك عىلىمدار اكادەمياسى، رەسەي، شىعىس ەۋروپا، ورتالىق ازيا ينستيتۋتتارى، قىتاي شەت ەلدەرمەن دوستىق قاۋىمداستىعى، قىتاي دوستىق قاۋىمداستىعى جانە ديپلوماتيالىق كورپۋستىڭ وكىلدەرى قاتىستى.
«شارانى باستاماس بۇرىن جاقسى جاڭالىقپەن بولىسسەم دەيمىن - بەيجىڭ ۋاقىتىمەن تۇنگى بىردە بۇۇ داۋىس بەرۋ ناتيجەسىندە قازاقستان ب ۇ ۇ قاۋىپسىزدىك كەڭەسىنىڭ 2017-2018 -جىلدارعا تۇراقتى ەمەس مۇشەسى بولىپ سايلاندى»، - دەدى قاتىسۋشىلارعا كىرىسپە ق ح ر- داعى ق ر ەلشىسى ش. نۇرىشيەۆ.
ول قازاقستاندا بيىل تاۋەلسىزدىكتىڭ 25 جىلدىعى ەكەنىن اتاپ ءوتتى. ال 2017 -جىل قازاقستاننىڭ قىتاي جانە وزگە دە ەلدەرمەن ديپلوماتيالىق قارىم- قاتىناس ورناتۋىنا 25 جىل تولۋمەن باستالماق. بۇل جىلدارى قازاقستان يادرولىق قارۋ تاراتپاۋ، مادەنيەتتەر، دىندەر مەن وركەنيەتتەر ديالوگىنىڭ بەلسەندى جاقتاۋشىسى جانە ۇيرەستىرۋشىسى رەتىندە ايگىلى كوشباسشىعا اينالدى. بۇگىندە قازاقستان الەمدىك قاۋىمداستىقتىڭ جاۋاپتى مۇشەسى جانە ايماقتىق، جاھاندىق ماسەلەلەردى شەشۋگە بارىنشا ۇلەس قوسۋدا.
ق ر پرەزيدەنتى ن. نازاربايەۆتىڭ باستاماسىمەن ازياداعى ءوزارا ءىس- قيمىل جانە سەنىم شارالارى جونىندەگى كەڭەس، الەمدىك جانە ءداستۇرلى دىندەر كوشباسشىلارىنىڭ سەزى سەكىلدى ماڭىزدى حالىقارالىق پروتسەستەر جۇزەگە استى. تاۋەلسىز مەملەكەتتەر دوستاستىعىن (ت م د) ، شاڭحاي ىنتىماقتاستىق ۇيىمىن (ش ى ۇ) جانە ۇجىمدىق قاۋىپسىزدىك شارتى ۇيىمىن (ۇ ق ش ۇ) نىعايتۋعا ۇلەس قوسىلۋدا. ەۋرازيالىق ەكونوميكالىق وداق قۇرۋعا باستاما كوتەرىلدى. قازاقستاندا ەۋروپا قاۋىپسىزدىك جانە ىنتىماقتاستىق ۇيىمىنا (ە ق ى ۇ) جانە يسلام ىنتىماقتاستىق ۇيىمىنا (ي ى ۇ) ءتوراعالىق ەتۋدىڭ بىرەگەي تاجىريبەسى بار.
«قازاقستان رەسپۋبليكاسىنىڭ 2017-2018 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىن قر پرەزيدەنتى ن. نازاربايەۆتىڭ يادروسىز الەم قۇرۋعا، جاھاندىق جانە ايماقتىق قاۋىپسىزدىكتى نىعايتۋعا، مادەنيەتتەر مەن وركەنيەتتەر اراسىندا سىندارلى ديالوگ ورناتۋعا، كونفەسسياارالىق جانە ۇلتارالىق كەلىسىمدى ساقتاۋعا جانە مەملەكەتتىڭ جۇيەلى تۇردە الەۋمەتتىك- ەكونوميكالىق دامۋىنا كۇش سالعانىن الەمدىك قاۋىمداستىقتىڭ مويىنداۋى دەپ باعالايمىن»، - دەدى ەلشى.
وسى ءساتتى پايدالانا وتىرىپ، ش. نۇرىشيەۆ قازاقستان كانديداتۋراسىن قولداپ، داۋىس بەرگەن بارلىق سەرىكتەس- مەملەكەت وكىلدەرىنە العىس ءبىلدىردى. ايماقتىق جانە جاھاندىق پروتسەسستەر كەشەنىنە ەلىمىزدىڭ كەڭ اۋقىمدا قىزىعۋشىلىق ءبىلدىرۋى ب ۇ ۇ قاۋىپسىزدىڭ كەڭەسى الدىندا تۇرعان ءبىرقاتار حالىقارالىق قاۋىپسىزدىك ماسەلەلەرىن شەشۋگە كومەكتەسەدى دەپ ۇمىتتەنەتىنىن ايتتى.
ول قازاقستان پرەزيدەنتىنىڭ «الەم. 21-عاسىر» ۇندەۋىنىڭ مازمۇنى تۋرالى، ب ۇ ۇ باس اسسامبلەياسىنىڭ 70-سەسسياسىندا كوتەرىلگەن ن. نازاربايەۆتىڭ ىشكى ساياسي باستامالارى تۋرالى جانە الەمدىك بەيبىتشىلىك، قاۋىپسىزدىك جانە دامۋعا قازاقستاننىڭ قوسقان ۇلەسى، مۇقتاج ەلدەرگە كومەگى تۋرالى ەگجەي- تەگجەيلى ايتىپ بەردى.
قازاقستاندىق جۋرناليستەرمەن سۇقبات كەزىندە ش. نۇرىشوۆ دوڭگەلەك ۇستەل تۋرالى ءوز اسەرلەرىمەن ءبولىستى«بىزدىڭ ءىس- شارامىز نيۋ- يورك قالاسىندا وتكەن سايلاۋ قورىتىندىسىمەن تۇسپا- تۇس كەلدى - قازاقستان 2017-2018 -جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلاندى. بارلىق قىتاي ساراپشىلارى، ديپلوماتيالىق كورپۋس وكىلدەرى قۇتتىقتاۋلارىن ءبىلدىرىپ، ب ۇ ۇ قاۋىپسىزدىك كەڭەسىنە تۇراقتى ەمەس مۇشە بولىپ سايلانۋى ءۇشىن جاسالعان قازاقستان جۇمىسىنا جوعارى باعا بەردى. قاۋىپسىزدىك كەڭەسىندە قازاقستان بارشا ورتالىق ازيا اتىنان تانىستىرىلىپ، ب ۇ ۇ قاۋىپسىزدىك كەڭەسى اياسىندا ش ى ۇ- عا مۇشە قىتاي، رەسەيمەن تىعىز جۇمىس ىستەيدى دەگەن ۇمىتتەمىن» ، دەدى ەلشى.
ونىڭ ايتۋىنشا، ب ۇ ۇ قاۋىپسىزدىك كەڭەسىنە تۇراقتى ەمەس مۇشە مارتەبەسى الەمدىك قاۋىپسىزدىك ماسەلەلەرىن شەشۋدە قازاقستانعا ە ق ى ۇ، ي ى ۇ، ش ى ۇ، ۇ ق ش ۇ ءتوراعالىق تاجىريبەسىن پايدالانۋعا بىرەگەي مۇمكىندىك تۋعىزىپ وتىر.
