حالىقارالىق «قازاق ءتىلى» قوعامى: قازاقستاننىڭ ب ۇ ۇ- نىڭ قاۋىپسىزدىك كەڭەسىنە تۇراقتى ەمەس مۇشەسى بولىپ سايلانۋى - قازاقستان حالقىنىڭ ۇلى جەڭىسى
«ەلىمىزدىڭ بىرىككەن ۇلتتار ۇيىمىنىڭ قاۋىپسىزدىك كەڭەسىنە تۇراقتى ەمەس مۇشەلىككە ءوتۋىن، حالىقارالىق «قازاق ءتىلى» قوعامى اسا قۋانىشپەن قابىلدايدى.
بۇل - ءتىلى بولەك بولعانمەن تىلەگى ءبىر، ءجۇزى بولەك بولعانمەن جۇرەگى ءبىر وتانداستارىمىزدىڭ ورتاق ماقتانىشى.
تاۋەلسىزدىك تىزگىنى قولىمىزعا تيگەن 25 جىلدا وسىنداي حالىقارالىق ارەناعا كوتەرىلۋگە، تانىلۋىمىزعا سەبەپ بولعان جايتتار كوپ.
سولاردىڭ ىشىندە دامۋ جانە حالىقارالىق ستاندارت سالالارىنداعى ماقساتتارعا قول جەتكىزگەن، ورتاشا تابىس دەڭگەيىنە يە، الەمدەگى ەكونوميكاسى ەڭ قارقىندى ىلگەرلەگەن تۇراقتى، پروگرەسسيۆتىك جانە بەيبىت مەملەكەتتەردىڭ بىرىنەن بولۋىمىز باستى ءرول وينادى.
ال، يادرولىق قاۋىپسىزدىك جانە يادرولىق قارۋدى تاراتپاۋ ماسەلەسىندەگى قازاقستاننىڭ ۇستانىمى - الەمدى ءسۇيىندىرىپ وتىر.
قۇرمەتتى وتانداستار، وسىنىڭ ءبارى ەلدەگى ىنتىماقتىڭ، بەرەكەنىڭ ارقاسىندا قول جەتكىزىلگەن جەتىستىكتەر.
تاۋەلسىزدىگىمىزدىڭ 25 جىلدىعى تۇسىنداعى وسىناۋ تولاعاي تابىستى - قازاقستان حالقىنىڭ ۇلى جەڭىسى دەپ باعالايمىز.
حالقىمىز ىمىرادان ايىرىلماي، جەڭىستەن جەڭىسكە جەتە بەرەيىك!
ەڭبەگىمىزدىڭ ءبارى ەل يگىلىگىنە جۇمسالسىن! تاۋەلسىزدىگىمىز باياندى بولسىن»، دەلىنگەن حابارلامادا.
