17:25, 29 - ماۋسىم 2016 | GMT +5
سولتۇستىك قازاقستاندا ايەلدەر اباقتىسىنىڭ قىزمەتكەرلەرى جەتىم بالالار ءۇشىن قايىرىمدىلىق اكسياسىن وتكىزدى - فوتو
استانا. قازاقپارات - سولتۇستىك قازاقستان وبلىسىندا ە س-164/6 ايەلدەر كولونياسىنىڭ قىزمەتكەرلەرى وبلىستىق مەكتەپ-ينتەرناتتاعى جەتىم بالالار ءۇشىن قايىرىمدىلىق اكسياسىن وتكىزىپ، جازعى ساۋىقتىرۋ لاگەرىنە ساپار ۇيىمداستىردى.
بۇل جونىندە وسى ايماقتىڭ وبلىستىق قىلمىستىق-اتقارۋ جۇيەسى دەپارتامەنتى حابارلادى.
«قازىرگى ۋاقىتتا بالالارعا ارنالعان «زولوتايا وسەن» جازعى ساۋىقتىرۋ لاگەرىندە 100 دەن استام بالا دەمالۋدا. بۇل لاگەر پەتروپاۆل قالاسىنان 45 شاقىرىم قاشىقتىقتا ورنالاسقان. مۇندا جەتىم جانە اتا- انا قامقورلىعىنسىز قالعان بالالار دەمالۋدا. س ق و ق ا ج مەكەمەسىنىڭ قىزمەتكەرلەرى ولارعا ۇنەمى كوڭىل ءبولىپ، كومەك كورسەتەدى»، - دەدى ەس-164/6 مەكەمەسىنىڭ قىزمەتكەرى تامارا پروكوفەۆا.
لاگەردەگى تالىمگەرلەرمەن جانە مەكتەپ- ينتەرناتىنىڭ تاربيەشىلەرىمەن بىرگە «پوليتسيا - قاۋىپسىزدىكتى قورعاۋدا» كونكۋرسى ۇيىمداستىرىلدى. اكسيا سوڭىندا ق ا ج قىزمەتكەرلەرى بالالارعا فۋتبول، ۆولەيبول دوپتارى، سەكىرتپە، قولعاپتار سياقتى ءتۇرلى سپورتتىق قۇرال- جابدىقتاردى تارتۋ ەتتى.
