ءۇندىستاندا سيىر ەتىن ساتقاندارعا مالدىڭ تەزەگىن جەگىزىپ، ءزارىن ىشكىزدى
بەلسەندىلەر ەلدەگى زاڭعا، حالىقتىڭ نانىم-سەنىمىنە قارسى شىققانداردى سيىردىڭ كوڭىن جەگىزىپ جازالادى.
بۇل تۋرالى Indian Express جازادى دەپ حابارلايدى Stan.kz.
10- ماۋسىم كۇنى بولعان بۇل جاعداي جەلىدە تەك ەكى اپتا وتكەننەن كەيىن تاراعان. وترياد بەلسەندىلەرى حاريان شتاتىنداعى ميەۆات وكرۋگىنەن شىققان ەتتىڭ نيۋ-دەليگە تاسىمالدانعانىن بايقاپ قالادى. ولار ساۋداگەرلەردىڭ ىزىنە ءتۇسىپ، كەيىن ولاردىڭ سيىر ەتىن تاسىمالداعانىن انىقتايدى.
جانۋارلاردى قورعاۋشىلار ۇستالعاندارعا پانچاگاۆەيدى كۇشتەپ جەگىزگەن.
پانچاگاۆەي- سيىردىڭ تەزەگى، ءسۇتى، ءزارى، مايى مەن يوگۋرت قوسپاسى. بۇل قوسپا ۇندىلەردىڭ دىنىندە قۇلشىلىق ۋاقىتىندا قۇرباندىقتىڭ ءبىرى ەسەبىندە پايدالانىلادى.
بەلسەندىلەردىڭ جەتەكشىسى دحارمەندر ياداۆتىڭ سوزىنشە، مۇنداي جازا ولارعا ساباق بولسىن دەگەن ماقساتتا جاسالعان. سونداي-اق، وزگەلەردى مۇنداي ارەكەتتەن اۋلاق بولۋعا ۇندەيدى.
