13:58, 29 - ماۋسىم 2016 | GMT +5
قازاقستاندا تەلەديدارعا قاراعاندا ينتەرنەتتى پايدالانۋ ۇلەسى باسىم
استانا. قازاقپارات - قازاقستاندا تەلەديدارعا قاراعاندا ينتەرنەتتى پايدالانۋ ۇلەسى باسىمىراق. بۇل تۋرالى بۇگىن استانادا«قازاق تەلەكوم: يننوۆاتسيالار ستراتەگياسى» فورۋمى بارىسىندا «قازاق تەلەكوم» ا ق باسقارما ءتوراعاسى قۋانىشبەك ەسەكەيەۆ ءمالىم ەتتى.
«ءبىز بارشامىز تەلەكوممۋنيكاتسيا قىزمەتتەرىن پايدالانۋشى بولىپ تابىلامىز. قازىرگى كەزدە ستاتيستيكا بويىنشا ورتاشا ءۇي شارۋاشىلىعى ينتەرنەتپەن سالىستارعاندا تەلەديداردى ازداۋ قوسىپ ءجۇر. ەگەر دە تەلەديداردى اپتاسىنا ورتاشا العاندا 5 ساعات كورسە، ينتەرنەتتە وتىراتىن ۋاقىت 12 ساعاتتان اسىپ تۇسەدى»، - دەدى ق. ەسەكەيەۆ.
ايتا كەتەيىك، «قازاق تەلەكومنىڭ» ينتەرنەتكە بەلگىلەنگەن كەڭ جولاقتى جەلىسىمەن قوسىلعان ابونەنتتەرىنىڭ ۇلەسى 1,5 ميلليوننان استام، بۇل ءوز كەزەگىندە نارىقتىڭ 75 پايىزى.
اۆتور: رۋسلان عابباسوۆ
