ەرتىسكە ورتا ازياداعى ەڭ ۇلكەن كوپىر سالىنىپ جاتىر
پاۆلودار وبلىسىنداعى بۇل كوپىر رەسپۋبليكالىق «ورتالىق- شىعىس» ءتورت جولاقتى اۆتوباننىڭ ءبىر بولىگىنە اينالادى جانە قازاقستاننىڭ ورتالىق بولىگىن رەسەي ەلىنىڭ كورشىلەس جاتقان وڭىرلەرىمەن بايلانىستىرادى، دەپ حابارلايدى Baq.kz.
وسى شاراعا بايلانىستى ءوڭىر باسشىسى بولات باقاۋوۆ ۇزىندىعى 476 مەتردى قۇرايتىن كوپىردىڭ ورتالىق اركاسىن ورناتۋ جۇمىستارىمەن تانىستى.
«قازىر كوپىردىڭ ەستاكادالىق بولىگىنىڭ ورتالىق اركاسى كوتەرىلىپ جاتىر. بارلىق اركالاردىڭ سالماعى 1300 توننا، ال بۇل مەتالل قۇرىلىمى 50 مەتر بيىكتىككە دەيىن كوتەرىلەتىن بولادى. ءۇش اركالى كوپىردىڭ شەتكى ەكەۋى ورناتىلىپ، بىرەۋىنە ۆانت قويىلدى. ەندى ورتالىق اركانى ورناتۋ جۇمىسى باستالدى. الداعى بەس ساعاتتىڭ ىشىندە اركا ورناتىلىپ بولادى. بۇل قيىن تەحنولوگيانىڭ ءبىرى، سەبەبى اركانىڭ ەكى شەتى تەڭ كەلۋى ءتيىس»، - دەدى «قازاۆتوجول» ۇ ق» ا ق پاۆلودار وبلىستىق فيليالىنىڭ ديرەكتورى ەرسىن سارين.
ايتا كەتەرلىگى، كوپىر جاڭا تەحنولوگيالارعا سايكەس ۆانت ءتارىزدى يىلگىش كولبەۋ اسپالاردى قولدانۋمەن جاسالىنۋدا. جوبانىڭ جالپى قۇنى 53,9 ميلليارد تەڭگەنى قۇرايدى. ناتيجەسىندە كوپىر رەسپۋبليكالىق «ورتالىق- شىعىس» ءتورت جولاقتى اۆتوباننىڭ ءبىر بولىگىنە اينالادى جانە قازاقستاننىڭ ورتالىق بولىگىن رەسەي ەلىنىڭ كورشىلەس جاتقان وڭىرلەرىمەن بايلانىستىرادى.
سونىمەن قاتار، جاڭا كوپىردىڭ اشىلۋى اقسۋ مەن پاۆلودار اراسىنداعى جولدى 15 كيلومەترگە قىسقارتسا، ەلىمىزدىڭ شىعىس وڭىرلەرىنەن ورتالىق ايماققا قاتىنايتىن ترانزيتتىك كولىكتەر قالا ىشىنە كىرمەيدى. وسىلايشا، جولدى 40 كيلومەترگە قىسقارتۋ مۇمكىندىگى تۋادى.
جوبانىڭ قۇرىلىسىنا 13500 مەتالل قۇراستىرىلىم، 150000 تەكشە مەتر بەتون جۇمسالدى. كوپىر وتكەلىن سالۋ بارىسىنا 900-عا جۋىق ادام جۇمىلدىرىلعان، ولاردىڭ 743 ى - وبلىس تۇرعىندارى.
بۇل جوبانى جۇزەگە اسىرۋ بارىسىندا وبلىستىق بيۋدجەتكە 164 ميلليون تەڭگە كولەمىندە سالىق تۇسسە، رەسپۋبليكالىق بيۋدجەت 1,9 ميلليارد تەڭگەمەن تولىقتى. جەرگىلىكتى بيزنەس وكىلدەرىنەن 2,9 ميلليارد تەڭگەگە تاۋار مەن قىزمەت ءتۇرى ساتىپ الىندى. ال جوسپارعا سايكەس، كوپىر قۇرىلىسى وسى جىلدىڭ جەلتوقسان ايىندا اياقتالادى.
