داۋرەن ابايەۆ وتاندىق ب ا ق- تى دامىتۋ جونىندەگى جوسپارلار تۋرالى ايتىپ بەردى - كەسكىن
استانادا بايلانىس جانە اقپارات قىزمەتكەرلەرى كۇنىنە وراي وتكەن سالتاناتتى جيىندا مينيستر بۇگىندە وتاندىق ب ا ق- تى دامىتۋدا ءبىرقاتار پروبلەمالى باعىتتار بار ەكەنىن اتاپ ءوتتى. وسى رەتتە ۆەدومستۆو بۇل ماسەلەلەرگە ەرەكشە ءمان بەرمەك.
«بىرىنشىدەن، ماڭىزدى مىندەتتەردىڭ ءبىرى - ول جۋرناليستىڭ مارتەبەسىن كوتەرۋ، ونىڭ مۇددەلەرى مەن قۇقىقتارىن قورعاۋ. ەكىنشىدەن، بۇقارالىق اقپارات قۇرالدارى ءۇشىن مەملەكەتتىك ورگانداردىڭ اشىقتىعى مەن قولجەتىمدىلىگىن بۇدان ارى ارتتىرۋ. بۇل ماسەلە ەكى جاقتىڭ مۇددەسىن كوزدەپ وتىر، ياعني مەملەكەتتىك باستامالاردى دەر كەزىندە، وبەكتيۆتى جانە شىنايى ءتۇسىندىرۋ قوعامدىق تۇراقتىلىقتىڭ ماڭىزدى فاكتورلارىنىڭ ءبىرى»، - دەدى د. ابايەۆ.
ۇشىنشىدەن، جۋرناليستيكا فاكۋلتەتتەرىندە وقىتۋ باعدارلامالارىن وزەكتەندىرۋ جۇمىستارى جۇرگىزىلىپ، وسى رەتتە تاجىريبەلىك جۇمىستاردىڭ ۇلەسى ارتىپ، ستۋدەنتتەر ءتۇرلى باسىلىمداردا تاعىلىمدامانى باستايدى.
«تورتىنشىدەن، ءبىز وڭىرلىك ب ا ق- تى دامىتۋعا ايرىقشا نازار اۋداراتىن بولامىز. كوپتەگەن وڭىرلەردە تاۋەلسىز باسىلىمداردىڭ بولماۋىنان، جەرگىلىكتى جەرلەردە وزەكتى پروبلەمالار بىردەن سەزىلەدى»، - دەدى مينيستر.
