تۇركيا پرەزيدەنتى ەردوعان ەندى وكىندى
رەسەي پرەزيدەنتى ۆلاديمير پۋتيننىڭ سايتىندا جاريالانعان، ەردوعاننىڭ پۋتينگە جولداۋى دەلىنگەن ماتىندە انكارانىڭ «ستراتەگيالىق ارىپتەسى ماسكەۋمەن قارىم-قاتىناسىن بۇزعىسى كەلمەيتىنى» جازىلعان.
وندا ەردوعاننىڭ قازا تاپقان رەسەيلىك ۇشقىشتار وتباسىنا كوڭىل ايتقانى، ولاردىڭ ولىمىنە قاتىسى بار تۇرىك ازاماتىنا بايلانىستى سوت تەرگەۋى ءجۇرىپ جاتقانى ايتىلعان.
تۇرىك بيلىگى ەردوعاننىڭ پۋتينگە مۇنداي مازمۇندا حات جولداعانىن راستادى.
2015-جىلى قاراشانىڭ 24 ءى كۇنى تۇركيا اۋە قورعانىسى كۇشتەرىنىڭ اسكەري ۇشاعى «اۋە كەڭىستىگىمىزگە كىرىپ كەتتى» دەپ، رەسەيدىڭ سۋ-24 ۇشاعىن اتىپ قۇلاتقان.
بۇل وقيعادان كەيىن تۇرىك پرەزيدەنتى رەجەپ تايىپ ەردوعان «رەسەي ۇشاعىنىڭ تۇركيانىڭ سيريامەن شەكاراسىن بۇزىپ كىرگەنىن، ءبىراق ءوز ەلىنىڭ ۇشاق اتۋ وقيعاسىنا قاتىسى رەسەيمەن قارىم-قاتىناسىن ۋشىقتىرعىسى كەلمەيتىنىن ايتقان.
ۇشاقتان پاراشيۋتپەن سەكىرىپ تۇسكەن ۇشقىشتاردىڭ ءبىرىن «سيرياداعى كوتەرىلىسشىلەر اتىپ ولتىرگەنى» حابارلانعان.
رەسەي پرەزيدەنتى ۆلاديمير پۋتين بۇل وقيعانى «تۋ سىرتىمىزدان بەرىلگەن سوققى» دەپ اتاپ، تۇركياعا سانكسيا جاريالاعان.
