بەلارۋس ەلىنەن قازاقستانعا ەكى قىلمىسكەر قايتارىلدى
قازاقستان رەسپۋبليكاسى باس پروكۋراتۋراسىنىڭ سۇرانىسىنا سايكەس، بەلارۋس رەسپۋبليكاسىنىڭ باس پروكۋراتۋراسى اسا اۋىر مولشەردە الاياقتىق جاساعاندىعى ءۇشىن قىلمىستىق جاۋاپكەرشىلىككە تارتۋ ءۇشىن شىعىس قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتى ىزدەۋ سالعان ۆلاديمير احماديەۆتى بەرۋ تۋرالى شەشىمدى قابىلدادى، دەپ حابارلايدى ق ر قازاقستان رەسپۋبليكاسى باس پروكۋراتۋراسىنىڭ باسپا ءسوز قىزمەتى.
ول «سترويتەلنو-مونتوجنوە پرەدپرياتيا-الماتى» ج ش س- ءنىڭ باس ديرەكتورى بولا ءجۇرىپ، سونىمەن قاتار جالعان تۇلعالار ارقىلى اتالعان ۇيىمدى باسقارا وتىرىپ، شىعىس قازاقستان وبلىسىنداعى تۇزەۋ مەكەمەسىنىڭ قازاندىعىن سالۋ بارىسىندا 310738014 تەنگە سوماسىندا بيۋدجەت قاراجاتىن ۇرلاعانى ءۇشىن كۇدىكتى بولىپ تابىلادى.
سونىمەن بىرگە، بەلارۋس رەسپۋبليكاسىنىڭ باس پروكۋراتۋراسى 33 جاسار قازاقستان ازاماتى ا. بايبوسىنوۆتى بەلارۋس رەسپۋبليكاسى قىلمىستىق كودەكسىنىڭ 147-بابىنىڭ 4-بولىگى (دەنەگە اۋىر زاقىم كەلتىرۋ) بويىنشا 2014-جىلدىڭ 23- جەلتوقسانىندا بەلارۋس سوتى بەلگىلەگەن جازاسىن ودان ءارى وتەۋ ءۇشىن قازاقستانعا بەرۋ تۋرالى شەشىم قابىلدادى.
بايبوسىنوۆ جازاسىنىڭ قالعان مەرزىمىن ۇلتتىق زاڭناماعا سايكەس قازاقستاننىڭ تۇزەۋ مەكەمەسىندە وتەيتىن بولادى.
قازىرگى ۋاقىتتا اكەلىنگەن تۇلعالار استانا قالاسىنىڭ تەرگەۋ اباقتىسىنا قاماۋعا الىندى.
