ليتۆادا ەشكىلەر اراسىنداعى سۇلۋلىق بايقاۋى وتكىزىلدى

ناتيجەسىندە دەميت ەسىمدى 16 ايلىق ەشكى ەڭ كورىكتى دەپ تانىلدى، دەپ حابارلادى delfi.lt.

قالانىڭ ءداستۇرلى سيمۆولى بولىپ تابىلاتىن ەڭ كورىكتى ەشكى بايقاۋىنا 500 ادام جيىلدى.

مەرەكە باعدارلاماسىندا گۇلدەرمەن جانە وزگە دە ءتۇرلى اشەكەيمەن بەزەندىرىلگەن ەشكىلەردىڭ شەرۋى، وركەستردىڭ ونەر كورسەتۋى، ءبي نومىرلەرى قاراستىرىلعان.

جىلدىڭ ەڭ كورىكتى ەشكىسى اتانعان جانۋاردىڭ يەسى 74 جاستاعى زەينەتكەر، ماماندىعى بويىنشا ۆەتەرينارلىق دارىگەر فەردينانداس پەتكەۆيچيۋس 6 رەت بايقاۋعا قاتىسىپ، ءبىرىنشى مارتە جەڭىسكە جەتتى.

راميگالا قالاسى ءۇشىن ەشكىلەر ۇلكەن ماڭىزعا يە. بۇل جانۋارلار XIII عاسىرداعى قولجازبالاردا جازىلعان ەسكى قالاشىقتىڭ سيمۆولى. 2010 -جىلى قالا ليتۆانىڭ مادەني استاناسى اتانعاندا، ونىڭ تۇرعىندارى العاش رەت وسى بايقاۋدى ۇيىمداستىرعان.

سول كەزدەن باستاپ ول جىل سايىن وتكىزىلەدى.