جاس جۇبايلار ۇيلەنۋ تويىنا نۇرسۇلتان نازاربايەۆتى شاقىردى
جاستار اسەل قارجاۋوۆا مەن مەيرامبەك يسايەۆتىڭ ايتۋىنشا، قۇرمەتتى قوناق رەتىندە ق ر پرەزيدەنتى نازاربايەۆتى شاقىرۋ كۇيەۋ بالانىڭ ويىنا كەلىپتى. ول مەملەكەت باسشىسىنا شاقىرتۋ جىبەرىپتى.
ماڭعىستاۋ وبلىستىق اكىمدىگىنىڭ باسپا ءسوز قىزمەتىندەگىلەر جاس جۇبايلاردىڭ نۇرسۇلتان نازاربايەۆقا شاقىرتۋ جىبەرگەنىن، الايدا مەملەكەت باسشىسىنىڭ تىعىز كۇن كەستەسىنە بايلانىستى ازاماتتاردىڭ تويىنا بارا المايتىنىن حابارلادى. الايدا پرەزيدەنت جاستاردى ءوز اتىنان قۇتتىقتاپ، سىيلىق جاساۋدى ايماق باسشىسىنا تاپسىرىپتى.
«شىنىمدى ايتسام، بۇل كۇيەۋىمنىڭ ويى ەدى، مەن سوڭىنا دەيىن ەشتەڭە بىلمەدىم. ءبىزدى وبلىستىق اكىمدىككە اكىممەن كەزدەسۋگە شاقىرعاندا مەن تاڭعالدىم، ءتىپتى سەنبەدىم. مەيرامبەك بارلىعىن ءوزى جوسپارلاپ، ماعان توسىن سىي جاساپتى»، - دەدى اسەل قارجاۋوۆا.
جاستاردى ماڭعىستاۋ وبلىسىنىڭ اكىمى اليك ايداربايەۆ قۇتتىقتادى. «جۇپتار زاڭدى تۇردە نەكەلەسىپ جاتسا، وتباسى قۇرىپ جاترسا، باقىتتى بولىپ جاتسا ءبىز قۋانامىز. جاستار، مەن سىزدەرگە وتباسىلارىڭىزدى باعالاپ، ءبىر- بىرلەرىڭىزدى قۇرمەتتەۋىڭىز كەرەك»، - دەدى ول.
اسەل مەن مەيرامبەكتىڭ نەكە قيۋ ءراسىمى 26 -ماۋسىمدا وتەدى. باستى سىيلىق نۇرسۇلتان نازاربايەۆتىڭ اتىنان بەرىلگەن قۇتتىقتاۋ تەلەگرامماسى. جاستارعا ماڭعىستاۋ وبلىستىق اكىمدىگى جاڭا تەلەديدار سىيلادى.
«ءبىز وسىلاي نازارعا الىپ وتىرعانىنا العىس ايتامىز. ءبىز ءۇشىن ۇلكەن قۇرمەت. سىيلىقتارىڭىزعا، جاقسى تىلەكتەرىڭىزگە راقمەت. ماڭعىستاۋ وبلىسىنىڭ كوركەيۋىنە ۇلەسىمىزدى قوسامىز دەپ ۇمىتتەنەمىن»، - دەدى كۇيەۋبالا مەيرامبەك.
