تىكەسىنەن تىك جۇرەتىن ايۋ عالامتور جۇلدىزىنا اينالدى - كەسكىن
ايۋدى كورىپ بەينەجازباعا ءتۇسىرىپ العان كۋاگەر شاعىن روليكتى فەيسبۋكتە جاريا ەتتى.
AP اگەنتتىگىنىڭ حابارلاۋىنشا، ۆيدەو ەلدىڭ وۋك-ريدج (نيۋ-دجەرسي شتات) قالاسىندا 20- ماۋسىمدا تۇسىرىلگەن. ۆيدەودا ازىق ىزدەپ ۇيلەردىڭ اراسىن تىمىسكىلەگەن ەكى اياعىمەن تىك جۇرگەن قوڭىر ايۋدى كورۋگە بولادى.
بۇل ايۋ بىلتىر شىلدە ايىندا جۇرت نازارىنا ىلىككەن.
سوندا قوڭىر جانۋاردىڭ امالسىزدان ەكى اياعىمەن تىك جۇرەتىندىگى بەلگىلى بولدى. ايۋدىڭ الدىڭعى وڭ اياعىنىڭ باسى جوق، سول اياعى دا جاراقات العان. سول سەبەپتى جىرتقىش ءتورت اياعىن تەڭ باسا المايدى.
بىلەتىندەردىڭ ايتۋىنا قاراعاندا، ايۋ كولىك قاعىپ كەتىپ جاراقات العان.
كەيىن ايۋ قىسقا قاراي جۇرت كوزىنە تۇسپەي كەتتى. بەلسەندىلەر ول قىستان ءتىرى شىقپادى دەپ الاڭداعان. سوڭعى بەينەجازبادا ايۋ تىڭ ءارى كۇيلى ەكەندىگى كورىنىپ تۇر.
