وتاندىق جۋرناليست ارابشا سويلەۋدى سانگە اينالدىرعاندارعا شۇيلىكتى

«كوپتەن بەرى جازعىم كەلگەن ەدى. سان عاسىردان بەرى مۇسىلمان بولعان قازاقتار ءدىني تەرميندەر مەن اتاۋلاردى قاتە ايتىپ كەلگەن جوق شىعار؟ نەگە سوڭعى كەزدەرى «اۋىزاشار» «يفتار» بولىپ كەتتى؟ بۇل ءسان قۋۋ ما الدە باسقا سەبەبى بار ما؟»، - دەپ ءسوزىن باستادى ول.

جۋرناليست ءدىني باسقارمانىڭ ءپاتۋاسىن العا تارتتى.

«وتكەن جىلى ءدىني باسقارما «اللاھ» ءسوزىن «اللا» دەپ، «حالالدى» «ادال» دەپ ايتايىق دەگەن ءپاتۋا شىعاردى. جوق، وعان قۇلاق اسپايدى. وسى سياقتى «ماشاللاھ» «ينشاللاھ» «ءالحامدۋليللاھ» سوزدەرى دە ءجيى قولدانىستا. بۇل سوزدەرگە ەش قارسىلىق جوق. ايتا بەرسىن. ءبىراق بۇلاردىڭ دا قازاقشا بالامالارى بار. الدە ارابشا ايتسا ساۋابى كوپ پە؟»، - دەپ ساۋال تاستادى ول.

نيازبەك ءدىني سوزدەردى ارابشا ايتاتىندار قازاقتىقتان قاشىپ ءجۇر دەگەن پىكىردە.

«قازاق ىقىلىمنان تۇشكىرسە «جارەكىماللا»، قۋانسا «بارەكەلدى»، ءبىر ءىستى جوسپارلاسا «اللا قالاسا»، شۇكىر ەتسە «قۇدايعا شۇكىر» دەيتىن. قازىر ءبارى قازاقتىقتان قاشاتىنداي ماعان»، - دەپ ويىن ءبىلدىردى ول.