ۇشقىشتاردىڭ جوعارى جالاقىسىنا قاتىستى «ەير استانا» اۋە كومپانياسىنىڭ پرەزيدەنتى شەنەۋنىكتىڭ سۇراعىنا كۇتپەگەن جاۋاپ بەردى

بۇعان دەيىن باسپا ءسوز بەتتەرىندە ەكيپاج كومانديرلەرىنىڭ اي سايىن 10000 دوللار الاتىندىعى تۋرالى جازىلعان بولاتىن. ق ر پارلامەنتى سەناتىنىڭ قورعانىس، قاۋىپسىزدىك جانە حالىقارالىق قاتىناستار كوميتەتىنىڭ وتىرىسىندا دا وسى سوما جاريا ەتىلگەن ەدى.

پ. فوستەر ۇشقىشتاردىڭ شىنىندا دا جوعارى جالاقى الاتىندىعىن راستادى.

«ۇشقىشتار الەمدىك ستاندارتتاردىڭ تالاپتارىنا ساي كۆاليفيكاتسيا الادى. سايكەسىنشە، ءبىزدىڭ ۇشقىشتار دا وسىنداي ەڭبەكاقى الۋلارى كەرەك»، - دەدى ول.

سونىمەن قاتار، پيتەر فوستەر ءبىر شەنەۋنىكتىڭ ودان «ەير استانا» ۇشقىشتارىنىڭ جالاقىسى نەگە مينيسترلەردىڭ جالاقىسىنان كوپ؟» - دەپ سۇراق قويعانى جايىندا ايتىپ بەردى. ول شەنەۋنىككە بىلاي دەپ جاۋاپ بەرىپتى: «مەنىڭ ۇشقىشتارىم كەز كەلگەن ەلدە ۇشقىش بولىپ جۇمىس ىستەي الادى. ال مينيستر، ول تەك قازاقستاندا عانا مينيستر بولا الادى».

كەزدەسۋ بارىسىندا پ. فوستەر جۋرناليستەردى كاسىبي مەرەكەلەرىمەن قۇتتىقتاپ، ولارعا تابىستار تىلەدى.

اۆتور: ايبوتا جاپپاربەرگەن