قازاقستان قىتايدىڭ ىسكەر توپتارى ءۇشىن ۆيزانى جەڭىلدەتۋ ماسەلەسىن قاراستىرىپ جاتىر - ە. ىدىرىسوۆ
بۇل تۋرالى بۇگىن ەسەپ بەرۋ كەزدەسۋىندە جۋرناليستەردىڭ سۇراعىنا جاۋاپ بەرە وتىرىپ، قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ءمالىم ەتتى.
«ۆيزاعا قاتىستى قىتايدىڭ ماسەلەسىنە توقتالاتىن بولساق، قازىر كونسۋلتاتسيا بەرىپ جاتىرمىز. ياعني، توپتىق تۋريستىك ساپارلارعا ۆيزا بەرۋ ءراسىمىن جەڭىلدەتكىزگىم كەلەدى. ەگەر دە توپتىق ساپار تۋرالى كەلىسىمگە قول قويىلسا، ىسكەر توپتاردىڭ وكىلدەرى ءۇشىن ۆيزانى جەڭىلدەتۋ ماسەلەسىن قاراستىرىپ جاتىرمىز»، - دەدى ەلىمىزدىڭ سىرتقى ىستەر ءمينيسترى.
ە. ىدىرىسوۆ اتاپ وتكەندەي، قىتايدىڭ ءىرى ونەركاسىپتىك باعدارلامالارى اياسىندا ىسكەر توپتاردىڭ ساپارىن كوبەيتەتىن ارنايى كەلىسىمگە قول قويىلعان. سونداي-اق، مينيستر حابارلاعانداي، قىتاي حالىق رەسپۋبليكاسىنىڭ قازاقستان رەسپۋبليكاسىنداعى ەلشىسى «ەلشىلىك قىزمەتكەرلەرىنىڭ تۋىستارى ءۇشىن ۆيزانى جەڭىل تارتىپپەن بەرەيىك» دەگەن ۇسىنىس ايتقان.
«بۇل رەتتە ءبىز ۆيزانى جەڭىل تارتىپپەن بەرەتىن ناقتى فورمالاردى ۇسىندىق. ەلشىلىك قىزمەتكەرلەرىنىڭ تۋىستارى كەلىپ-كەتۋدە قيىندىق كورگەن جوق. كەرىسىنشە، مەنىڭ ويىمشا، قازاقستانعا قىتاي ديپلوماتتارىنىڭ جاقىندارىنىڭ كەلىپ، كەتۋى وڭاي»، - دەدى ە. ىدىرىسوۆ.
اۆتور: كەنجەكەي توقتامۇرات قىزى
