07:56, 20 - ماۋسىم 2016 | GMT +5
شىمكەنت اكىمى قالا كوشەلەرىنىڭ جاعدايىن كورىپ قايتتى - فوتو
شىمكەنت. قازاقپارات - قالا اكىمى ع. ءابدىراحىموۆ قالا كوشەلەرىنىڭ جاعدايىن كورىپ قايتتى، دەپ حابارلايدى وبلىس اكىمدگىنىڭ باسپا ءسوز قىزمەتى.
ساپالى جولدار-جول كوزعالىسى كەزىندە تۇرعىنداردىڭ قاۋىپسىزدىگىنىڭ جانە ءومىرى مەن دەنساۋلىعىنىڭ كەپىلى! وسىعان بايلانىستى قالا اكىمى ع. ءابدىراحىموۆ قالاداعى كوشەلەردى ارالاپ كورىپ شىقتى. جولداردىڭ جاعدايىن تەكسەرۋ بارىسىندا بىرنەشە كەمشىلىكتەر انىقتالدى.
مىسالى، ءال-فارابي كوشەسىندە اياق جولدىڭ پليتا تاقتايشالارى تولىعىمەن قويىلماعان جانە جولدىڭ جاعاسىنداعى ارىقتاردىڭ بەتتەرى تەمىر تورلارمەن جابىلماعاندىقتان ادامدار اياق جولدارعا شىعۋ ءۇشىن ارىقتاردان اتتاپ وتۋگە ءماجبۇر بولۋدا. سونىمەن قاتار، بىرنەشە اۆتوبۋس ايالدامالارىندا وتىراتىن ورىندىقتاردىڭ جوقتىعى انىقتالىپ، قالا باسشىسى اكىمدىك قىزمەتكەرلەرىنە الداعى ۋاقىتتا ورىن العان كەمشىلىكتەردى جويىپ، جولدىڭ جاعدايىن ۇنەمى باقىلاپ وتىرۋدى تاپسىردى.
