شەتەلدىكتەرگە شەكارا ماڭىنان جەر جالعا بەرىلمەيدى - ە. نىسانبايەۆ

الماتى. قازاقپارات - الماتى وبلىسىنىڭ تالعار اۋدانىنداعى اراقاباي اۋىلىندا ورنالاسقان «بايسەركە- اگرو» اگروحولدينگى بازاسىندا جەر رەفورماسى بويىنشا رەسپۋبليكالىق كوميسسيا مۇشەلەرىنىڭ وتىرىسى ءجۇرىپ جاتىر.

وندا جەر رەفورماسى بويىنشا كوميسسيا مۇشەلەرى جەر زاڭناماسىنىڭ نورمالارىنا قاتىستى جەرگىلىكتى تۇرعىنداردىڭ، كاسىپكەرلەردىڭ ۇسىنىستاردى قاراۋدا.

ءوز سوزىندە ق ر اۋىل شارۋاشىلىعى ۆيتسە- ءمينيسترى ەرلان نىسانبايەۆ تۇرعىندار تاراپىنان اسىرەسە شەتەلدىكتەردىڭ جەردى شەكارا ماڭىنان الۋعا تىرىساتىنى جايلى الاڭداۋشىلىقتارىنا ءوز جاۋابىن بەردى.

 «بۇل جەردە شەتەلدىكتەرگە كەلەر بولساق، ولارعا ناقتى شارتتار قويىلعان. اتاپ ايتقاندا، اۋىل شارۋاشىلىعى جەرلەرىن جەكە مەنشىككە بەرۋگە تىيىم سالىنعان. شەكارا ماڭىنان دا جەر جالعا بەرىلمەيدى. نوتارياتتار ارقىلى اۋىل شارۋاشىلىعى جەرلەرىن جەكە مەنشىككە راسىمدەۋگە تىيىم سالىنعان. ال ەگەر، جەر ءتيىمدى پايدالانىلماعان جاعدايدا جەر كودەكسىنىڭ 92-93-94-باپتارى بويىنشا جالعا بەرىلگەن جەرلەر ءماجبۇرلى تۇردە مەملەكەت مەنشىگىنە قايتارىلادى»، - دەدى ق ر اۋىل شارۋاشىلىعى ۆيتسە- ءمينيسترى ەرلان نىسانبايەۆ.

 ايتا كەتەرلىگى، قازاقستاندا بۇگىنگى تاڭدا جەكە مەنشىكتەگى جەردىڭ كولەمى - 1 ميلليون 300 مىڭ گەكتاردى قۇرايدى. بۇل قولدانىستا جۇرگەن - 100,8 ميلليون گەكتار جەردىڭ نەبارى - 1,3 پايىزىنا تەڭ. بۇگىنگى تاڭدا اۋىل شارۋاشىلىعىنداعى جەرلەردىڭ باسىم بولىگى جالعا الۋ قۇقىعىمەن پايدالانىلۋدا. مۇنىڭ ىشىندە شارۋا قوجالىقتارىندا - 57,5 ميلليون گەكتار، ال اگروقۇرىلىمداردا - 40,2 گەكتار بار. ولاردى پايدالانۋ مەرزىمى 5 جىلدان 49 جىلعا دەيىن.

وتىرىس ودان ءارى جالعاسۋدا.

اۆتور: ايبوتا جاپپاربەرگەن