ۇكىمەت سۋارمالى جەرلەر كولەمىن ارتتىرۋعا كىرىسەدى
ۇكىمەت باسشىسى اۋىل شارۋاشىلىعىن كوتەرۋ ءۇشىن بۇل سالاعا جاۋاپتى ۆەدومستۆونىڭ باسشىسى اسقار مىرزاحمەتوۆتىڭ مارتەبەسى كوتەرىلىپ، ۆيتسە- پرەمەر قىزمەتىن قوسا اتقارۋ جۇكتەلگەنىن ەسكە سالىپ ءوتتى.
«ونىڭ الدىنا قويىلعان ەڭ باستى مىندەتتەردىڭ ءبىرى - اۋىل شارۋاشىلىعىنداعى ەڭبەك ونىمدىلىگىن كوتەرۋ بولدى. سونىمەن بىرگە نەگىزگى ماقساتتاردىڭ ءبىرى - سۋارمالى جەرلەردىڭ كولەمىن ارتتىرۋ. قازاقستاندا جەر كوپ بولعانىمەن سۋارمالى جەرلەر جەتكىلىكسىز. سول سەبەپتى سىزدەرمەن بىرگە 2016 -جىلدىڭ بيۋدجەتىن قاراۋ بارىسىندا، مۇمكىن ناقتىلاۋ كەزىندەگى جانە 2017-2019 -جىلداردىڭ بيۋدجەتىن دايىنداۋداداعى باستى ماسەلەلەردىڭ ءبىرى سۋارمالى جەرلەردىڭ كولەمىن ارتتىرۋ بولماق»، - دەدى ك. ءماسىموۆ.
ونىڭ اتاپ وتۋىنشە، بۇل ماسەلە سىرتقى قارجى ينستيتۋتتارىنان زايەم تارتۋ ارقىلى شەشىلۋى دە مۇمكىن.
«كەشە ەۋروپالىق قايتا قۇرۋ جانە دامۋ بانكىمەن كەزدەستىم. ولار بۇل ماسەلەنى دامىتۋعا قولداۋ كورسەتەتىندىگىن ءبىلدىردى. سونىمەن بىرگە بيۋدجەت مۇمكىنشىلىكتەرى مەن مەملەكەتتىك جەكە سەرىكتەستىكتى كەڭەيتۋ ماسەلەلەرى قاراستىرىلادى»، - دەدى ول.
اۆتور: مارلان جيەمباي
