ا ق ش تۇرمەسىندە جازاسىن وتەپ شىققان ازامات ءتاجاياقوۆ ەلگە ورالدى

 دەپ حابارلادى ك ت ك ارناسى.

 ازامات ءتاجياقوۆ مىنگەن ۇشاق الماتى اۋەجايىنا 16 - ماۋسىم كۇنى تاڭعى ساعات 5:30- دا قوندى. جات جەردە جازىقتى بولىپ، تۇرمەگە توعىتىلعان ۇلدارىن قارسى الۋعا اتا- اناسى مەن تۋىستارى تايلى- تۇياعى قالماي تۇگەل كەلگەن. بىرنەشە جىلدان كەيىن تۋعان جەرگە تابانى العاش تيگەن ازامات ۇشاقتان تۇسە سالىسىمەن اعايىندارىمەن ارقا- جارقا قۇشاقتاسىپ، اقتان ءدام تاتتى. 2013 - جىلدان بەرى ا ق ش- تا قاماۋدا بولعان ول باسىنا ۇيىرىلگەن قارا بۇلتتىڭ سەيىلگەنىن ەندى عانا سەزىنگەندەي.

ازامات ءتاجياقوۆ:

- قازىر جۇرەگىم توقتاپ قالارداي بولىپ تۇر. قاتتى سوعىپ جاتىر. قۋانىشىمدا شەك جوق. كەلىپ كۇتىپ العاندارىڭىزعا راحمەت. اكەمە قوڭىراۋ شالىپ جاعدايىمدى ءبىلىپ تۇرعاندارىڭىزعا راحمەت. 3,5 جىل بولدى قازاقستاندا بولماعانىما. ەت جەپ دەمالىپ، قىمىز ءىشىپ جاتقىم كەلەدى.

 2013 -جىلدىڭ ساۋىرىندە بوستونداعى مارافون كەزىندە جارىلىس بولىپ، 4 ادام قازا تاپقان. لاڭكەستىك ارەكەتتى ۇيىمداستىرعان اعايىندى سارنايەۆتاردىڭ ۇلكەنى تامەرلان قۇرىقتاۋ شاراسى كەزىندە ولسە، كىشىسى جوحاردى ا ق ش سوتى ونى ءولىم جازاسىنا كەستى. ال ەكى قازاق ستۋدەنتى

 ازامات ءتاجياقوۆ پەن دياس قادىربايەۆ وسى كىشى سارنايەۆقا كومەكتەستى دەگەن ايىپپەن جازاعا تارتىلعان بولاتىن.

قازىر امەريكا تۇرمەسىندە تاعى ءبىر وتانداسىمىز جازاسىن وتەپ جاتىر. دياس قادىربايەۆ تا بوستونداعى وقيعاعا قاتىستى تەرروريزم بابى بويىنشا ايىپتالىپ، 6 جىلعا باس بوستاندىعىنان ايىرىلعان بولاتىن. سوندىقتان ول ەندى 2 جىلدان كەيىن ەلگە ورالماق. ال جازادان تولىق قۇتىلعان ازامات ءتاجياقوۆ بۇگىن تۇندە تۋعان جەرى اتىراۋ وبلىسىنا جول تاراتادى.