جەرورتا تەڭىزىندە اپاتقا ۇشىراعان «ەگيپەت ەير» لاينەرىنىڭ قارا جاشىگى تابىلدى

پاريجدەن كايرگە بەت العان ۇشاق 19 -مامىرعا قاراعان ءتۇنى جەرورتا تەڭىزىنە قۇلادى. اۆيالاينەر بورتىندا 66 ادام، ونىڭ ىشىندە 56 جولاۋشى بولعان. ولاردىڭ بارلىعى قازا تاپتى، دەپ مالىمدەدى BBC.

ۇشاق رادار ەكرانىنان اپات بەلگىسىن بەرمەستەن، گرەكيالىق جانە مىسىرلىق باقىلاۋ ستانساسىندا جوعالىپ كەتتى.

ءبىر اپتا بۇرىن گرەكيالىق ۇكىمەت جەرورتا تەڭىزىنەن جوعالعان ۇشاقتىڭ سىنىقتارى، جۇگى مەن ادام سۇيەكتەرى تابىلعانىن مالىمدەگەن.

اپاتتىڭ سەبەبى رەسمي تۇردە ءالى حابارلانعان جوق.