بويى ۇزىن ادامدار اقشانى كوپ تابادى ەكەن

امەريكالىق الەۋمەتتانۋشىلار - ديۋكا دۋنكان ۋنيۆەرسيتەتىنىڭ وقىتۋشىلارى توماس مەن دەنيەل لافەيۆ جەتى جىل بويىنا جۇرگىزگەن زەرتتەۋلەرىنىڭ قورىتىندىسى بويىنشا وسىنداي مالىمدەمە جاسادى. بويى ۇزىندار الاسا كىسىلەرگە قاراعاندا ءونىمدى جۇمىس ىستەيتىن كورىنەدى. ءارى ولار قىزمەتتە دە جولى بولعىش.

 زەرتتەۋشىلەر يندونەزيالىق بويى 170 سانتيمەتردەن كەم ەمەس ازاماتتار ساعاتىنا 1000 يندونەزيا ءرۋپيىن (ا ق ش- تىڭ 0,8 دوللارىنا تەڭ) الاسا، بويى 155 سانتيمەتر كەلەتىن ونىڭ ارىپتەسى وسى مەزگىلدە ودان اناعۇرلىم كەم تابىس تاپقانىن ايتادى. ءتۇرلى ماماندىق يەلەرىنىڭ اقىل- وي ەڭبەگىن دە سارالاپ كورگەن عالىمدار: «ءبىزدىڭ ەشقانداي كۇمانىمىز قالمادى. ەڭبەك نارىعىندا ادامنىڭ بويى ەرەكشە ماڭىزعا يە ەكەن» ، - دەگەن پىكىر بىلدىرگەن.

 بويى ۇزىندارعا كورسەتىلەتىن قۇرمەت تە ەرەكشە. اسىرەسە ولارعا ايەلدەر جاقىن كەلەدى. ال مەديتسينادا بويى ۇزىنداردىڭ وزگەلەرگە قاراعاندا ۇزاقتاۋ ءومىر سۇرەتىندىكتەرى دە دالەلدەنىپتى. وسىدان سوڭ ويعا قالاسىڭ.. .

massaget.kz