اۆتوبۋس جۇرگىزۋشىلەرى التىن اشەكەيلەردى قىتايدان قازاقستانعا جاسىرىن وتكىزبەك بولدى

استانا. قازاقپارات - قازاقستان - قىتاي شەكاراسىندا ورنالاسقان «مايقاپشاعاي» باقىلاۋ- وتكىزۋ بەكەتىنىڭ شەكارا جاساعى «ءۇرىمجى - سەمەي» باعىتىندا كەتىپ بارا جاتقان اۆتوبۋستىڭ ەكى جۇرگىزۋشىسىن ۇستادى.

ق ر ۇ ق ك شەكارا قىزمەتىنىڭ باسپا ءسوز قىزمەتى حابارلاعانداي، شەكارالىق باقىلاۋ كەزىندە كولىكتىڭ الدىڭعى قاناتىنىڭ استىنان سالماعى 670 كەلى 800 گرام بولاتىن قوسالقى بولشەكتەر، 2 كەلىدەن اساتىن زەرگەرلىك زاتتار: 823 دانا سىرعا، 29 دانا - جۇزىك، 20 دانا - القا تابىلدى.

اتالعان دەرەك بويىنشا قۇقىق قورعاۋ ورگاندارى حابارلاندىرىلدى. كونتراباندالىق زاتتار «مايقاپشاعاي» كەدەن بەكەتىنىڭ قويماسىنا تاپسىرىلدى.