قۇتقارۋشىلار قاسكەلەڭ اڭعارىندا جوعالعان ەكى جاسار بالانى تاپتى - فوتو

الماتى ت ج د باسپا ءسوز قىزمەتىنىڭ اقپاراتىنشا، 13 - ماۋسىمدا ساعات 00:50-دە قاسكەلەڭ شاتقالىنداعى ىلە- الاتاۋ ساياباعى قىزمەتكەرىنىڭ 2014 - جىلى تۋعان بالاسى جوعالعانى تۋرالى حابار ءتۇستى.

 7 ادامنان تۇراتىن ق ر ءى ى م توتەنشە جاعدايلار كوميتەتى رەسپۋبليكالىق جەدەل- قۇتقارۋ جاساعىنىڭ توبى مەن كينولوگتار وقيعا ورنىنا شىقتى. ولار ءۇي ماڭىنداعى اۋماقتى، سونىمەن قاتار باسپانا ماڭىنداعى جولدىڭ 2 شاقىرىمىن تەكسەردى.

 ساعات 05:40 13 قۇتقارۋشى مەن 2 كينولوگ كومەككە كەلدى. كۇن شىققاندا جول ماڭىندا بالانىڭ اياق كيىمى تابىلدى. ىزدەۋگە ەكى توپ جۇمىلدىرىلدى.

ساعات 10:35 تاۋ ماڭىنداعى اۋماقتى تىنتىگەن ءبىر توپ تاستاردىڭ اراسىندا ۇيىقتاپ جاتقان بالانى تاپتى. بالانىڭ جاعدايىن تەكسەرگەن دارىگەر ونىڭ ومىرىنە ەش قاۋىپ ءتونىپ تۇرماعانىن ايتتى. قۇتقارۋشىلار نارەستەنى اتا- اناسىنا قايتاردى.