21:22, 13 - ماۋسىم 2016 | GMT +5
پاۆلودار وبلىسىنىڭ پوليتسياسى بالا ۇرلاۋ تۋرالى جالعان اقپارات تاراتۋشىلاردى ىزدەپ جاتىر
پاۆلودار. قازاقپارات - WhatsApp مەسسەندجەرىن پايدالانۋشىلار اراسىندا ەكىباستۇزدا بالا ۇرلاۋ ارەكەتى بولدى دەگەن اقپارات تاراپ، ارنايى جوسپار جاريالاندى، دەپ حابارلادى ءى ءى د باسپا ءسوز قىزمەتى.
مەسسەندجەر ارقىلى تارالعان اقپارات راستالعان جوق. پوليتسەيلەر جالعان اقپاراتتى تاراتقان ادامدى انىقتاۋ شارالارىن جۇرگىزۋدە.
مۇنداي ارەكەت جالعان اقپاراتتى تاراتۋ بولىپ تابىلادى، سونداي-اق ق ر ق ك 274-بابىندا (قوعامدىق ءتارتىپتى بۇزۋ قاۋپىن تۋدىراتىن كورىنەۋ جالعان اقپارات تاراتۋ نەمەسە ازاماتتاردىڭ نەمەسە ۇيىمنىڭ قۇقىقتارى مەن زاڭدى مۇددەلەرىنە نە زاڭمەن قورعالاتىن قوعام نەمەسە مەملەكەت مۇددەسىنە ەلەۋلى زيان كەلتىرۋ) كوزدەلگەن قىلمىستىق جاۋاپكەرشىلىكتى قامتيدى.
بۇل باپتىڭ سانكسياسى رەتىندە 100 ا ە ك- كە دەيىنگى مولشەردە ايىپپۇل نە بەس جىلدان ون جىلعا دەيىن باس بوستاندىعىنان ايىرۋ جازاسى قاراستىرىلادى.
