شىعىس قازاقستاندا نايزاعاي ءتۇسۋ سالدارىنان ورمان ورتەندى

وسكەمەن. قازاقپارات - شىعىس قازاقستاندا بىرنەشە ورمان شارۋاشىلىعى فيليالدارىندا نايزاعاي سالدارىنان ورمان ورتتەرى ورىن الدى.

بەسقاراعاي اۋدانىندا ءتورت جاعداي تىركەلدى. بەگەنەۆ، كانونەرسك جانە جاڭا سەمەي فيليالدارىندا ءبىر-ءبىر اعاشتان نايزاعاي ءتۇسىپ، وتقا وراندى. ورمانشىلار بىردەن دەن قويىپ، جالىننىڭ تاراۋىنا جول بەرمەگەن.

جيرنوۆسك ورمان شارۋاشىلىعىندا ش ق و بورودۋليحا اۋدانىندا جالپى الاڭى 0,05 گەكتار ورمان ورتەنگەن. جالىن اۋىزدىقتالىپ، ارتىنشا ءسوندىرىپ ۇلگەرگەن.

وسىنداي جاعداي اقكول ورمان شارۋاشىلىعىندا دا ورىن الدى. 0,1 گەكتار ورمان القابى ورتكە ورانعان. 26 ورمانشى، 3 اۆتوسيستەرنا، 2 تراكتور ءورتتى اۋىزدىقتاۋعا جۇمىلدىرىلدى. قازىر ءوت ءسوندىرىلدى.

بارلىق جاعدايدا دا ءورت نايزاعاي سالدارىنان ورىن العان، دەپ حابارلادى ش ق و ت ج د.