پاكىستاندا رۇقساتسىز تۇرمىسقا شىققان قىزىن اناسى تىرىدەي ورتەپ جىبەردى

ول مۇنداي قادامعا قىزىنىڭ اتا-اناسىنىڭ رۇقساتىنسىز سۇيگەن جىگىتىنە تۇرمىسقا شىعىپ كەتكەندىكتەن بارعاندىعى ايتىلادى.

پوليتسيا مالىمەتىنشە، وقيعا 8- ماۋسىمدا لاحور قالاسىندا ورىن العان. اناسى سول كۇنى ۇستالعان.

پاكىستاندىق پوليتسيا وكىلى شەيح حامماد احتاردىڭ حابارلاۋىنشا، پارۆين رافيك 18 جاستاعى قىزى زيناتتىڭ ۇستىنە بەنزين قۇيىپ، جاعىپ جىبەرگەنىن مويىنداعان.

پاكىستاندا ايەل ادامدى قورلاۋ كەڭىنەن تاراعان. جىل سايىن بۇل ەلدە «وتباسىنىڭ ارى ءۇشىن» دەپ مىڭداعان ايەلدەر ولتىرىلەدى.

بىلتىر پاكىستاندا 19 جاستاعى ماريا ءبيبى وزىنەن جاسى ەكى ەسەگە ۇلكەن ەر ادامعا تۇرمىسقا شىعۋدان باس تارتقانى ءۇشىن ۇستىنە بەنزين قۇيىلىپ، قورلىققا تاپ بولعان.