اقتوبەدەگى تەراكت تەرروريزممەن كۇرەستە حالىقارالىق كۇش- جىگەردى نىعايتۋدىڭ ماڭىزدىلىعىن كورسەتتى - ق ر سىرتقى ىستەر ءمينيسترى
«ەش جازىقسىز ازاماتتارىمىزدىڭ ءومىرىن قيعان، ادامشىلىقتان ادا بۇل قىلمىس، ءبىزدىڭ بارشامىزعا ورتاق شاڭىراعىمىزداعى بەيبىتشىلىك پەن كەلىسىم قۇندىلىعىن ايرىقشا قاتاڭ ساقتاپ، الداعى كەلەشەكتە كۇش قولدانۋ مەن زورلىق- زومبىلىققا جول بەرمەيتىن ۇيلەسىمدى قوعام قۇرۋعا باعىتتالعان بىرلەسكەن كۇش- جىگەرىمىزدى ارتتىرۋ قاجەتتىگىن ەسكە سالىپ وتىر. اقتوبەدەگى تەراكت سونداي-اق، تەررورزم جانە ەكسترەميزممەن كۇرەستەگى حالىقارالىق كۇش- جىگەردى نىعايتۋدىڭ، ءدىندى بۇرمالاپ، ونى قىلمىستىق ماقساتتارعا قول جەتكىزۋ ءۇشىن پايدالانۋعا قارسى الەمدىك قاۋىمداستىقتىڭ بىرلەسە ءارى بەلسەنە كۇرەسۋ قاجەتتىگىن تانىتتى. ءدال وسى ماسەلەنى قازاقستان پرەزيدەنتى ن. نازاربايەۆ ۇدايى كوتەرىپ، ول ءۇشىن جاھاندىق تەرروريزمگە قارسى كواليتسيا قۇرۋ سەكىلدى ناقتى باستامالاردى ىلگەرىلەتىپ كەلەدى»، - دەلىنگەن مينيستر بلوگىندا.
سونىمەن قاتار، ە. ىدىرىسوۆ قارا جامىلعان قازاقستاندىقتار وتباسىنا كوڭىل ايتىپ، قازاقستان حالقى مەن مەملەكەتىنە قولداۋ ءبىلدىرىپ جاتقان الەمنىڭ تۇكپىر- تۇكپىرىندەگى ارىپتەستەرگە ريزاشىلىعىن بىلدىرەدى. «ءبىز بەيبىتشىلىك پەن بارلىق حالىقتاردىڭ تۇراقتى دامۋى ءۇشىن ءوزارا ىنتىماقتاستىعىمىزدى ودان ءارى نىعايتۋعا نيەتتىمىز»، - دەلىنگەن مينيستر بلوگىنداعى جازبادا.
اۆتور: قانات مامەتقازى ۇلى
