مەملەكەتتىك قىزمەتكەرلەر وزىنە تارتۋ ەتىلگەن سىيلىقتى مەملەكەتتىك قورعا تاپسىرۋعا مىندەتتى
بۇل تۋرالى بۇگىن ق ر سىبايلاس جەمقورلىققا قارسى ءىس- قيمىل ۇلتتىق بيۋروسى ءتوراعاسىنىڭ ورىنباسارى اليك شپەكبايەۆ ءمالىم ەتتى.
«قولدا بار زاڭناما بويىنشا، ولارعا سىيلىق الۋعا تىيىم سالىنعان، الايدا سىيلىقتى الۋعا تۋرا كەلەتىن جاعدايلار دا ەسكەرىلگەن. مىسالى، حالىقارالىق كەزدەسۋلەر كەزىندە تارتۋ ەتىلگەن كادەسىيدى قابىلداۋعا تۋرا كەلەدى. دەگەنمەن، مەم قىزمەتشى ونى 7 تاۋلىك ىشىندە مەملەكەتتىك قورعا تاپسىرۋعا مىندەتتى. بىزدە ونداي وقيعالار بولدى. بۇرىنعى اۋىل شارۋاشىلىعى ءمينيسترى جانە ءبىرقاتار لاۋازىمدى تۇلعالار شەتەلدىك ارىپتەستەرىنىڭ سىيلىقتارىن مەملەكەتكە وتكىزگەن بولاتىن»، - دەدى ول بۇگىن ق ر ۇ ك پ وتىرىسىندا.
ۇلتتىق بيۋرو ءتوراعاسىنىڭ ورىنباسارى اتاپ وتكەنىندەي، قۇنى 2 ا ە ك- تەن تومەن سىيلىقتاردى العانى ءۇشىن تارتىپتىك جانە اكىمشىلىك جاۋاپكەرشىلىك تاعايىندالادى. ەگەر سىيلىق ول مەجەدەن اسىپ كەتسە، سىيلىق پارا بولىپ ەسەپتەلىنەدى.
اۆتور: جاسۇلان جولدىبايەۆ
