عالىمدار: اسكەري ادامداردىڭ ايەلدەرى ۇيقىسىزدىققا ءجيى شالدىعادى

نۇر- سۇلتان. قازاقپارات - اسكەري ادامعا جار بولۋ وڭاي شارۋا ەمەس. امەريكالىق عالىمداردىڭ ايتۋىنشا، اسكەري ادامنىڭ ايەلىنىڭ ءتۇن ۇيقىسى ءجيى قاشىپ، سول سەبەپتى مازاسى بولمايدى ەكەن.

وسى ماسەلەگە قاتىستى زەرتتەۋ ناتيجەسى American Academy of Sleep Medicine سايتىندا جارىق كوردى.

عىلىمي تاجىريبەگە وفيسەرلەرمەن شاڭىراق قۇرعان 1480 ايەل قاتىسىپتى. زەرتتەۋ كەزىندە ولاردان كۇيزەلىسكە قانشالىقتى ءجيى ۇشىرايتىنى، ومىرگە كوڭىلىنىڭ تولاتىنى- تولمايتىنى، دارىگەرگە قانشالىقتى ءجيى كورىنەتىنى تۋرالى ساۋالدار قويىلدى.

اقىرى جاۋىنگەر جۇبايلارىنىڭ % 54- نىڭ ۇنەمى ۇيقىسى قاشىپ، سونىڭ كەسىرىنەن كۇنى بويى مازاسىز كۇيدە جۇرەتىندىكتەرى انىقتالدى. ال بۇل ايەلدەردىڭ % 62- ىنىڭ اپتا ىشىندە قاتتى شارشاپ- شالدىعاتىن كەزدەرى بولادى ەكەن.

مامانداردىڭ ايتۋىنشا، تەك ءتۇرلى سوعىس قيمىلدارى بولعان ايماقتاردا قىزمەت ەتىپ كەلگەن اسكەريلەرگە عانا ەمەس، ولاردىڭ وتباسى مۇشەلەرىنەن، ءبىرىنشى كەزەكتە جۇبايلارىنىڭ حال- جاعدايىنا باستى نازار اۋدارۋ كەرەك.