دەنساۋلىق: يممۋنيتەتتى قالاي تەكسەرۋگە بولادى؟

نۇر- سۇلتان. قازاقپارات - اعزانىڭ قورعانىسى ۋاقىتشا السىرەۋ كەزەڭدەرى كەز- كەلگەن ادامنىڭ ومىرىندە بولادى. ال جاس وتكەن سايىن بارلىعىندا يممۋندىق تاپشىلىق جانە دەنساۋلىقتىڭ ناشارلاپ، اللەرگيالىق، سۋىق جانە باسقا دا كوپتەگەن اۋرۋلارعا بەيىمدىلىگى باستالادى.

بۇگىنگى مەديتسينانىڭ فارموكولوگيالىق ريەۆوليۋتسياسى - انتيبيوتيكتەر يممۋنوتەراپيانى اۋىستىرىپ كەلەدى. عالىمدار اعزانى ىشتەن ساۋىقتىرىپ، دەنساۋلىقتى قالپىنا كەلتىرەتىن ءادىستى تاپتى. ءوز يممۋنيتەتىڭىزدى قالاي تەكسەرۋگە بولادى؟

ءوزىڭىزدىڭ يممۋنيتەتىڭىزدىڭ قانداي دەڭگەيدە ەكەنىن ءبىلىپ، سىزگە يممۋنولوگ ماماننىڭ كومەگىنە جۇگىنۋ كەرەك پە؟ وسىنى ءبىلۋ ءۇشىن سىزدەرگە يممۋنيتەتتى تەكسەرەتىن تەست ۇسىنامىز. بارلىق سۇراقتارعا «ءيا» نەمەسە «جوق» دەپ جاۋاپ بەرىپ، سوڭىندا قانشا ۇپاي جيناعانىڭىزدى ساناۋ قاجەت.

1. ۇنەمى سپورتپەن اينالىساسىز با؟

2. سۋىق كەزدە تەز توڭىپ، اياق- قولىڭىز ۇنەمى سالقىن بولىپ جۇرە مە؟

3. كۇيزەلىسپەن (سترەسسپەن) بەلسەندى كۇرەسىپ، كەز كەلگەن نارسەگە رەنجي بەرەسسىز بە؟

4. جىلىنا 4 رەت سۋىقتاپ اۋىراسىز با؟

5. كەز كەلگەن اۋرۋدا ءدارى- دارىمەك پايدالاناسىز با؟

6. كۇندەلىكتى راتسيونىڭىزعا جەمىس- جيدەك جانە كوكونىس، ال كوكتەمدە جانە قىستا دارۋمەندەر قابىلدايسىز با؟

7. ءسىزدىڭ دوستارىڭىز كوپ جانە ادامدارمەن جاقسى ارالاساسىز با؟

8. ءسىز وتباسىڭىزدىڭ ومىرىنە قاناعاتتاناسىز با؟

9. تازا اۋادا تۇراقتى تۇردە سەرۋەندەيسىز بە؟

10. ءسىز شىلىم شەگەسىز بە؟

11. كەيدە كوڭىل كۇيگە بايلانىستى جاقسى شاراپ ىشەسىز بە؟

12. تۇرعىلىقتى جەرىڭىز - قالا؟

13. دەنە ءپىشىنىڭىزدى قاداعالايسىز با؟

14. قوعامدىق كولىكتى ءجيى پايدالاناسىز با؟

15. جۇمىس ىستەيتىن ۇجىمىڭىز ۇلكەن بە؟

16. ء بىر كۇندە 1,5 ليتر سۋ ىشەسىز بە؟

17. جىلى بولمەدە كوپ ۋاقىت تۇرا الاسىز با؟

18. اۋىر جانە جۇيكەگە سالماق تۇسىرەتىن جۇمىس ىستەيسىز بە؟ ءۇي شارۋاسىنىڭ بارلىعى ءسىزدىڭ موينىڭىزدا ما؟

19. مونشا مەن ساۋناعا ءجيى بارىپ تۇراسىز با؟

1, 3, 6, 7, 8, 9, 11, 13, 16 وسى سۇراقتارعا «ءيا» دەپ جاۋاپ بەرسەڭىز، ءاربىرىن 1 ۇپايدان ەسەپتەڭىز.

2, 4, 5, 10, 12, 14, 15, 17, 18, 19 وسى سۇراقتارعا «جوق» دەپ جاۋاپ بەرسەڭىز، ءاربىرىن 1 ۇپايدان ەسەپتەڭىز.

جيناپ الىنعان ۇپاي سانى 1-6 بولسا، ءسىزدى يممۋندىق جۇيەڭىز وتە ءالسىز. ءجيى سەلقوستىق بايقالىپ، اپاتيا سەزىنەدى. اعزاڭىزدىڭ قورعانىسىن قالپىنا كەلتىرۋ ءۇشىن، سىزگە يممۋنولوگ دارىگەردىڭ كەڭەسى قاجەت.

(اپاتيا - نەمقۇرايدىلىق كۇي، ەنجارلىق، سەلقوستىق، سىلبىرلىق. قاندايدا ءبىر ءىس- قيمىلعا دەگەن قۇلشىنىستىڭ جوقتىعى.)

7-12. ءسىزدىڭ قورعانىس جۇيەڭىزدە كەمشىلىكتەر بار. سىزگە ءومىر سالتىڭىز بەن ديەتاڭىزدى وزگەرتۋ قاجەت. تازا اۋادا كوبىرەك سەرۋەندەپ، دارۋمەندەرگە باي تاعامداردى جەپ، تاڭەرتەڭ دۋش قابىلداۋ قاجەت. بۇل شاعىن تۇزەتۋلەر يممۋندىق جۇيەڭىزدى نىعايتادى.

13-18. ءسىزدىڭ يممۋندىق جۇيەڭىز وتە جاقسى. ءسىز سيرەك اۋىراسىز، اۋرۋ بولا قالسا، اسقىنۋلارى بولماي، جەڭىل ءوتىپ كەتەدى. ءسىزدىڭ كۇشىڭىز كوپ جانە ەنەرگياعا بايسىز. ءسىز ءوز دەنساۋلىعىڭىزعا جاقسى كۇتىم جاسايسىز. وسىلاي جالعاستىرا بەرىڭىز.

anabol.kz سايتىنان الىندى.