شەتەلدىك ديپلوماتيالىق وكىلدىك باسشىلارى قازاقستانعا كوڭىل ايتتى
قازاقستان رەسپۋبليكاسىندا جالپى ۇلتتىق ازا تۇتۋ كۇنىن جاريالاۋىنا وراي 2016-جىلدىڭ 9- ماۋسىمىندا ديپلوماتيالىق وكىلدىك عيماراتىندا كوڭىل ايتۋ كىتابىن اشقاندىعىن جاريا ەتتى.
وسىعان وراي كەشە باكۋدەگى ەلىمىزدىڭ ەلشىلىگىنە 40 تان استام شەتەلدىك ديپلوماتيالىق وكىلدىك باسشىلارى كەلىپ، قازاقستان حالقىنا جانە تەرروريستىك اكتىدەن قازا تاپقانداردىڭ وتباسىلارىنا كوڭىل ايتىپ، كوڭىل ايتۋ كىتابىنا جازبا قالدىردى.
ق ر- نىڭ ازەربايجانداعى ەلشىلىگى ءوز كەزەگىندە شەتەلدىك ديپلوماتتارعا قازاقستاندىقتاردىڭ قايعىسىنا ورتاقتاسقاندىقتارى ءۇشىن ريزاشىلىعىن ءبىلدىردى. ولارعا قايعىلى وقيعا، قازا تاپقاندار مەن جاراقاتتانعاندار جايىندا تولىق ماعلۇمات ۇسىنىپ، 40 كۇن بويى بۇكىل ەل اۋماعىندا جاريا ەتىلگەن لاڭكەستىك قاۋىپ-قاتەردىڭ «سارى» دەڭگەيىنىڭ ەنگىزىلۋىنە بايلانىستى قازاقستاننىڭ وكىلەتتى ورگاندارى قابىلداعان شارالار جايىندا ايتىپ بەردى.
اۆتور: مارلان جيەمباي
