تۇركيا ازاماتتارى ەلوردا قۇرىلىسشىلارى ۇستىنەن پروكۋراتۋراعا شاعىم ءتۇسىردى

استانا. قازاقپارات - تۇركيا ازاماتتارى پروكۋراتۋرانىڭ كومەگىمەن استانا قۇرىلىسشىلارىنان ءوز جالاقىلارىن ءوندىرىپ الدى.

استانا قالالىق پروكۋراتۋراسى باسپا ءسوز قىزمەتىنىڭ حابارلاۋىنشا، ەسىل اۋدانىنىڭ پروكۋراتۋراسىنا «دامير-ستروي» ج ش س- ءنىڭ جۇمىسكەرى تۇركيا رەسپۋبليكاسىنىڭ ازاماتتارى بۋراك كاحرامان جانە نۋري وزدامار ەڭبەك جانە كوشى-قون زاڭنامالارىنىڭ بۇزىلۋى ماسەلەسى بويىنشا جۇگىنگەن.

«ەسىل» اۋدانى پروكۋراتۋراسىنىڭ تەكسەرۋى كەزىندە تۇركيا رەسپۋبليكاسىنىڭ ازاماتتارىمەن جەرگىلىكتى اتقارۋشى ورگانداردىڭ رۇقساتىندا كورسەتىلگەن ەڭبەك قىزمەتىنە ساي ەمەس قىزمەتتىڭ جۇزەگە اسىرىلعانى تۋرالى فاكتىلەر انىقتالعان.

سونىمەن قاتار، «دامير-ستروي» ج ش س- ءنىڭ جۇمىسكەرلەردىڭ الدىندا 2953800 تەڭگە ەڭبەكاقى قارىز بولعان. سونىڭ ىشىندە تۇركيا رەسپۋبليكاسىنىڭ 2 جۇمىسكەرىنە 600000 تەڭگە ەڭبەكاقى قارىز ەكەندىگى انىقتالعان.

«دامير-ستروي» ج ش س- ىندە تۇركيا رەسپۋبليكاسىنىڭ ازاماتتارى بۋراك كاحرامان جيھازدىڭ دەكاراتيۆتى ەلەمەنتتەرىن دايىنداۋشى بويىنشا سىلاقشىنىڭ مىندەتتەرىن اتقارعان، ال نۋري وزدامار اعاش دايىنداۋ جانە بولشەكتەر دايىنداۋ فاكتىسى بويىنشا پرورابتىڭ قىزمەتىن اتقارعاندارى انىقتالدى.

سونىمەن قاتار، «دامير-ستروي» ج ش س- ءنىڭ 13 جۇمىسكەرلەرىنىڭ ەڭبەكاقى بويىنشا جالپى 2953800 تەڭگە سوماسىندا قارىزى، سونىڭ ىشىندە تۇركيا رەسپۋبليكاسىنىڭ 2 ازاماتىنىڭ 600000 تەڭگە سوماسىنداعى قارىزى وتەلدى.

قازاقستان رەسپۋبليكاسىنىڭ ەڭبەك كودەكسىن بۇزعانى ءۇشىن «دامير-ستروي» ج ش س- ءى اكىمشىلىك جاۋاپكەرشىلىككە تارتىلدى.

اۆتور: مارلان جيەمباي