ءماجىلىس دەپۋتاتتارى نورۆەگيالىق ارىپتەستەرىمەن تاجىريبە الماستى
دەلەگاتسيا قۇرامىندا پارلامەنت ءماجىلىسىنىڭ دەپۋتاتتارى سۆەتلانا بىچكوۆا، ناتاليا جۇمادىلدايەۆا، ورتالىق جانە جەرگىلىكتى اتقارۋشى، قۇقىق قورعاۋ جانە سوت ورگاندارىنىڭ، ادام قۇقىقتارى جونىندەگى ۋاكىل وكىلدەرى بار.
ساپار ماقساتى قازاقستان رەسپۋبليكاسىندا بالالارعا قاتىستى زاڭ جۇيەسىن حالىقارالىق ستاندارتتارعا سايكەس دامىتۋ، بالا قۇقىقتارىن قورعاۋ جانە مونيتورينگ جۇرگىزۋ سالاسىندا، مەملەكەتتىك ورگانداردىڭ بالا قۇقىقتارى جونىندەگى ۋاكىلمەن ءوزارا قارىم-قاتىناسى، قىلمىس قۇرباندارى مەن كۋاگەرلەرى بولعان بالالاردى قورعاۋدىڭ مەحانيزمدەرى بويىنشا تاجىريبە الماسۋ.
ساپاردىڭ ءبىرىنشى كۇنىندە نورۆەگياداعى قازاقستان ەلشىسى قايرات ابۋسەيتوۆ مىرزامەن جانە نورۆەگياداعى بالا قۇقىقتارى جونىندەگى ۋاكىل اننە ليندبوۋە حانىممەن كەزدەسۋلەر وتكىزىلدى.
سونىمەن قاتار، ق ر دەلەگاتسياسى سىرتقى ىستەر، بالالار، تەڭدىك جانە ينتەگراتسيا، دەنساۋلىق ساقتاۋ جانە الەۋمەتتىك قامتاماسىز ەتۋ، ءبىلىم، ادىلەت مينيسترلىكتەرىنە، يۋنيسەف ۇيلەستىرۋ ورتالىعىنا، ورتالىق ازيا بيۋروسىنا، بالا قۇقىقتارى جونىندەگى ۇيلەستىرۋ ورتالىعىنا، پارلامەنتكە، ادام قۇقىقتارى جونىندەگى ۇلتتىق ينستيتۋتىنا، پوليتسيا جانىنداعى بالالار ۇيىنە، پروكۋراتۋرعا، نورۆەگيانىڭ سوت باسقارماسىنا، وسلو جانە اكەرسحۋسا ۋنيۆەرسيتەتتىك كوللەدجىنە باردى.
ساپار ب ۇ ۇ بالالار قورى (يۋنيسەف) قولداۋىمەن ۇيىمداستىرىلدى.
