02:16, 10 - ماۋسىم 2016 | GMT +5
ا ق ش: يەللوۋستون ساياباعىندا ىستىق قاينارعا قۇلاعان ادامدى ىزدەستىرۋدە - كەسكىن
استانا. قازاقپارات - كۋاگەرلەردىڭ سوزىنە قاراعاندا، سەيسەنبى كۇنى يەللوۋستون ۇلتتىق ساياباعىندا 20 جاستاعى ەر ادام قورشاۋدان شىعىپ، نورريس گەيزەرلەر باسسەينىنىڭ ىستىق قاينارىنا قۇلاپ كەتكەن.
جوعالعان جاندى ىزدەۋ جۇمىستارىن جۇرگىزۋ ءۇشىن بۇكىل اۋماقتى جاپتى، دەپ حابارلادى Bozeman Daily Chronicle. ساياباقتى قاراۋشىلار ونىڭ اجال قۇشقانىن بولجاپ وتىر. ويتكەنى قاينارداعى سۋ تەمپەراتۋراسى قايناۋ دەڭگەيىنەن ءجيى جوعارى بولادى، دەپ جازىلعان يەللوۋستون ساياباعىنىڭ سايتىندا.
ا ق ش- تىڭ ۇلتتىق ساياباعى - يەللوۋستون يۋنەسكو- نىڭ الەمدىك قۇندىلىقتار تىزىمىنە ەنگەن. ونىڭ اۋماعى 8983 ك م² قۇرايدى.
